मोदीची सत्ता सामान्याचा जीव घेणारी ।। मारेगावात कांग्रेसचे महागाई विरोधी आंदोलन

रास्ता रोको करून नेते, कार्यकर्त्यांनी स्वतःला करून घेतली अटक

दिलदार शेख,/मारेगाव: केंद्र सरकारचे धोरणे हुकुमशाही कडे वाटचाल करीत असुन महागाई चरमसिमेवर पोहचली असल्याने सामान्य जनतेचे आर्थिक बजेट आवाक्याबाहेर गेले,महागाईवर केंद्र शासनाचे जाणिवपुर्व दुर्लक्ष जिवनावश्क वस्तुवर भरमसाठ जि एस टी लाऊन सामान्यांच्या जखमेवर मिठ चोळण्याच काम शासना कडुन  होत असल्याने मारेगाव तालुका कांग्रेस कमेटीच्या वतीने महागाई व इतर समस्या घेऊन राज्यव्यापी आंदोलन मारेगाव येथे वणी यवतमाळ रोडलगत पोलीस स्टेशन समोर सकाळी ११ वाजता सुरु केले ,ह्या आंदोलनाचे नेतृत्व माजी आमदार वामनराव कासावार, कृषी उत्पन्न बाजार समितीचे सभापती नरेंद्र पाटील ठाकरे,माजी महिला व बालकल्याण सभापती अरुणाताई खंडाळकर, कांग्रेसचे तालुका अध्यक्ष मारोती गौरकार यांनी केले.

राज्यात व देशात महागाईने सामान्य जनता हैरान असताना, केंद्र सरकार सत्तेसाठी विविध षडयंत्र करुन जनतेला वार्यावर सोडले, पेट्रोल डिझेल सह अनेक जिवनावश्यक वस्तुचे भाव गगणाला गेले ,त्यावर केंद्र सरकार जि एस टी लाऊन जनतेला लुटण्याचा डाव आखित असुन अशा लुटारु केंद्र शासनाचा निषेध नोंदवीत सामान्य जनतेचे जगने सुकर व्हावे यासाठी शासनाने महागाई आटोक्यात आणावी अन्यथा जनता येणाऱ्या निवडणुकीत लुटारु शासनाला जागा दाखविल्या शिवाय राहणार नाही असा खणखणीत इशारा आंदोलनातुन उपस्थित कांग्रेस नेत्यांनी केंद्र शासनाचा निषेध नोंदवित दिला, सध्या महाविकास आघाडीच्या सरकार मधुन ईडीचा धाक व धनाचे आमिष दाखवित सरकार पाडले हे षडयंत्र भाजपा मधील शकुनीमामाचे असुन जनता पुढे महाराष्ट्राशी गद्दारी करणार्यांना माफ करणार नाही असा इशारा उपस्थितानी आपल्या मनोगतातुन व्यक्त केला. 

यावेळी काँग्रेसचे ओम ठाकुर , कांग्रेस शहर अध्यक्ष शंकरराव मडावी , कांग्रेसचे जिल्हा सरचिटणीस रमन डोये, रवी धानोरकर, यादवराव पांडे , अंकुश माफुर, नगरसेवक नंदेश्वर आसुटकर, वसंतराव आसुटकर,शंकुतला वैद्य, नगरसेविका किनाके,धनंजय आसुटकर सह कांग्रेसचे कार्यकर्ते मोठ्या संख्येने उपस्थित होते.

बॉक्स

काही वेळेसाठी मारेगाव काँग्रेसच्या वतीने मार्डी रोड चौकात  यवतमाळ, वनी राज्य महामार्गवर रास्ता रोको करून ,नेते, कार्यकर्त्यांनी स्वतःला अटक करून घेतली.