आज मंडल यात्रेचे वणी व मारेगाव येथे आगमन ।। स्वागतासाठी समाजबांधवांना उपस्थित राहण्याचे आव्हान..!

OBC(VJ, NT, SBC) असाल,तर सहपरिवार मंडल यात्रेत दिसाल

आशिष साबरे (यवतमाळ जिल्हा प्रतिनिधी) वणी: ७ ऑगस्ट मंडल दिनाचे औचित्य साधून ओबीसी, व्हिजेएनटी, एसबीसी जनजागृती अभियानांतर्गत* विदर्भातील ७ जिल्यात १ ते ७ आगस्ट २०२२ दरम्यान मंडल यात्रेचे आयोजन करण्यात आले. 

"केंद्र सरकारने ओबीसीची जातनिहाय जनगणना केली पाहिजे"  तसेच "राज्य सरकारने जिल्हास्तरावर ओबीसी,व्हीजेएनटी,एसबीसी विद्यार्थ्यांसाठी घोषित केलेली ७२ वसतिगृह त्वरित सुरू केली पाहिजे" या प्रमुख मागण्या घेऊन मंडल यात्रा निघाली आहे. मंडल यात्रा वणी व मारेगाव येथे ५ आगस्टला पोहचणार आहेत. 

वणी येथे "छत्रपती शिवाजी महाराज यांच्या पुतळ्याजवळ दुपारी १२ वाजता" मंडल यात्रेचे स्वागत आणि सभा होणार आहे तसेच *मारेगाव येथे "जिजाऊ चौकामध्ये दुपारी २ वाजता" स्वागत व सभा होणार आहे, तरी आपल्या हक्क व अधिकाराच्या लढाईसाठी निघालेल्या मंडल यात्रेचे स्वागत करण्यासाठी आणि होणाऱ्या सभेसाठी ओबीसी,व्हीजेएनटी,एसबीसी समाजातील बांधवांनी हजारोच्या संख्येने उपस्थित राहावे,असे आव्हान ओबीसी महिला समन्वय समिती,ओबीसी महिला मोर्चा आणि ओबीसी,व्हीजेएनटी, एसबीसी जातनिहाय जनगणना कृती समिती,वणी,झरी,मारेगावच्या वतीने करण्यात येत आहे.