दुर्गम भागातील वरध येथील आरोग्य शिबीराला उत्स्फूर्त प्रतिसाद...

आझादी का अमृत महोत्सव अंतर्गत वरध येथे आरोग्य शिबीर

प्रवीण गायकवाड (राळेगाव तालुका प्रतिनिधी): राळेगाव तालुक्यातील  प्रा. आ. केद्र वरध  उपकेंद्र पळसकुड येथे ७५वा आझादी का अमृत महोत्सव अंतर्गत आरोग्य शिबीर घेण्यात आले.यात विविध  आजार असणाऱ्या रुग्णांवर  मोफत उपचार करण्यात आले. परिसरातील रुग्णांनी या शिबिरात मोठ्या संख्येने सहभाग नोंदवला.

मोतीबिंदू, दमा, रक्तदाब, मधुमेह आणि लहान बाळांचे आजार या रुग्णांवर शिबिरात उपचार करण्यात आले. 260 रुग्णांना याचा लाभ झाला.तालुका आरोग्य अधिकारी डॉ. गोपाळ पाटील यांचे मार्गदर्शनात डॉ. प्रतीक वाघमोडे यांचे हस्ते शिबिराचे उदघाटन पार पडले. 

या वेळी, डॉ. सूरज मोरे, समुदय आरोग्य अधिकारी डॉ. अहतेशाम खान, डॉ. उमेश निचत, पोलीस पाटील मधुकर तोडसाम, आरोग्य सेविका प्रतिभा इरपाते, डॉ. प्रीती, डॉ. अनुज, ड्रा. भूषण, डॉ. रुपाली, डॉ. पावरा, सर्व समुदाय आरोग्य अधिकारी,lHV, ANM,  अंगणवाडी सेविका  आशा सेविका यांचे सह ग्रामस्थ मोठया प्रमाणात उपस्थित होते.

वरध प्रा. प्रा. आ. केंद्रा अंतर्गत खैरगावं, लोणी, सराटी, बंदर, सावरखेड, पळसकुंड, भीमसेनपूर, सुभानहेटी, घुबडहेटी, सेंडपोड, उमरविहीर आदि गावातील रुग्णांना या शिबीराचा लाभ झाला. विशेष म्हणजे हा सम्पूर्ण दुर्गम भाग आहे. 

येथे आरोग्याच्या सुविधा नाहीत. गोर -गरीब रुग्णांकरीता अशा स्वरूपाचे शिबीर वरदान ठरतात. ग्रामीण भागातील अनेक गरजू रूग्ण अज्ञान व गरिबीमुळे आजार अंगावर काढतात. ज्या मुळे अनेकदा रोग बळकावतो, मृत्यूच्या घटना देखील घडतात.  

आझादी का अमृत महोत्सव या शिबिराच्या माध्यमातून साजरा करण्याची ही संकल्पना स्तुत्य असल्याची भावना अनेकांनी या प्रसंगी वेक्त केली. परिसरातील रुग्णांनी या शिबिराबाबत समाधान वेक्त केले.