4 दिवसात पिक नुकसानीचे पंचनामे पूर्ण करा जिल्हाधिकारी यांनी दिले आदेश

▪️विधानसभा विरोधी पक्षनेते मा अजित पवार आज यवतमाळ जिल्ह्यातील पूरग्रस्त भागाचा करणार दौरा

आशिष साबरे (यवतमाळ जिल्हा प्रतिनिधी)

यवतमाळ: अतिवृष्टी आणि पुरामुळे शेतकऱ्यांचे मोठ्या प्रमाणात नुकसान झाले आहे. या संकटात शेतकऱ्यांना मदत मिळवुन देण्यासाठी  शेतीच्या  नुकसानीचे पंचनामे पुढिल 4 दिवसात पुर्ण करण्याचे निर्देश जिल्हाधिकारी अमोल येडगे यांनी दिलेत.  

आज त्यांनी दुरदृष्य प्रणालीद्वारे सर्व उपविभागीय अधिकारी, तहसिलदार, गट विकास अधिकारी, तालुका कृषी अधिकारी, जिल्हा अधिक्षक कृषि अधिकारी, यांची बैठक घेतली. यावेळी जिल्हाधिकारी कर्यालयात निवासी उपजिल्हाधिकारी ललितकुमार व-हाडे उपस्थित होते.

यावेळी आढावा घेताना ते म्हणाले, जिल्हयात  एकूण बाधीत  क्षेत्र  1 लक्ष 50 हजार 805  हेक्टर ( प्राथमिक अहवालानुसार) आहे. त्यापैकी 1 लक्ष 14 हजार  879 हेक्टर क्षेत्राचे संयुक्त पंचनामे पुर्ण झालेत. अंदाजे 76.17 टक्के पंचनामे पूर्ण झाले आहेत. मात्र प्रत्यक्ष पंचनामे केल्यानंतर प्राथमिक अंदाजात कळविलेले क्षेत्रात वाढ होण्याची शक्यता बघता उरवरित पंचनामे पुढील चार दिवसात पूर्ण करावे. शनिवार रविवार या सुट्टीच्या दिवशी सुद्धा पंचनामे पूर्ण करण्याची प्रक्रिया पार पाडावी, अशा सुचना जिल्हाधिकारी अमोल येडगे यांनी यावेळी दिलेत.