मारोतराव वादाफळे महाविद्यालयाच्या विद्यार्थ्यांची बिज- प्रक्रियेबाबत जनजागृती

भारतीय वार्ता :गौरव लोडे (बांबूळगाव )प्रतिनिधी 

यवतमाळ(चिमना- बागापूर) येथी  डॉ. पंजाबराव देशमुख कृषी विद्यापीठ, अकोला संलग्नित विघ्नहर्ता ग्रामीण विकास संस्था अंतर्गत मारोतराव वादाफळे कृषी महाविद्यालय, यवतमाळ येथील ग्रामीण कृषी कार्यानुभव उपक्रमाच्या विद्यार्थ्यांनी चिमना- बागापूर येथे बिज-प्रक्रियेबाबत शेतकऱ्यांना मार्गदर्शन तसेच प्रात्यक्षिक करून दाखवले. रोग-किडीपासून संरक्षण व्हावे म्हणून औषध लावण्याच्या प्रक्रियेला बीज प्रक्रिया म्हणतात. विद्यार्थ्यांनी ट्रायकोडर्मा विरीडी ,रायझोबियम आणि जिबर्लिक ऍसिड या औषधाच्या सहाय्याने बीज प्रक्रियेचे  प्रात्यक्षिक शेतकऱ्यांना दिले. तसेच यांना हाताळण्याचे काही नियम सुद्धा सांगितले. ग्रामस्थांनी कार्यक्रमाला उपस्थिती दर्शवले महाविद्यालयाचे प्राचार्य डॉ.आर. ए. ठाकरे सर व प्राचार्य एम. वी. कडू सर कार्यक्रम आधिकारी सौरभ महानुर सर विषयतज्ञ डॉ. प्रतीक बोबडे सर, किशोर ठाकरे सर, अमोल डोंगरवार सर यांच्या मार्गदर्शनाखाली हे प्रात्यक्षिक राबविण्यात आले. कार्यक्रमात असलेले विद्यार्थी कुणाल राणे, तन्मय काकडे, भूषण घोडके, लोभेश ताजणे आणि गौरव लोडे यांनी प्रात्यक्षिक यशस्वीरीत्या पार पाडले.