बेंबळा धरणाचे दरवाजे उघडल्यामुळे वर्धा नदीच्या काठावरील सम्पूर्ण शेत शिवार जलमय.

मारेगाव तालुक्यातील बोरी गदाजी येथील शेतीला तलावाचे स्वरूप, शेतीचे मोठ्या प्रमाणात नुकसान, दुबार पेरणीचे संकट

आशिष साबरे (यवतमाळ जिल्हा प्रतिनिधी) मारेगाव: बेंबळा धरणाचे सर्व दरवाजे 1.00 मीटर ने उघडल्यामुळे मोठ्या प्रमाणात पाण्याचा निसर्ग वर्धा नदीच्या पात्रात सोडल्यामुळे, वर्धा नदीच्या काठावरील गावात, तसेच शेतशिवारात पाणी शिरल्यामुळे मारेगाव तालुक्यातील बोरी गदाजी येथील शेत शिवार संपूर्ण जलमय झाला आहे.शेतकऱ्यांचे मोठ्या प्रमाणात नुकसान झाले असून दुबार पेरणीची वेळ आली आहे.

लाखो रुपये गुंतवणूक करून, प्रचंड प्रमाणात मेहनत करून शेती उभारली आणि पावसाळ्यात पावसाच्या धो धो पाण्यामुळे सम्पूर्ण शेती पाण्याच्या खाली गेली.बोरी गदाजी येथील शेकडो हेक्टर शेती पाण्याच्या खाली गेल्यामुळे शेतकऱ्यांचे मोठ्या प्रमाणात नुकसान झाले. अशोक साबरे, संजय करडे, बंडू घोटकर, उत्तम घोटकर, सुनील खांगार ,मनोहर खांगार इत्यादी शेतकऱ्यांच्या शेतात पाणी शिरल्या मुळे खूप नुकसान झाले आहे. शासनाने त्वरीत पंचनामे करून पीडित शेतकऱ्यांना भरघोस मदत करावी अशी मागणी शेतकऱ्यांच्या वतीने करण्यात येत आहे.