दांडगावतील नाल्यात अज्ञात वृद्ध महिलेचा मृतदेह आढळला ।। घातपात की मृतदेह वाहून आला परिसरात चर्चेला उधान

या घटनेनं परिसरात एकच खळबळ उडाली आहे ।। मारेगाव तालुक्यातील घटना

मारेगाव: तालुक्यातील दांडगाव(आपटी) परिसरात नाल्यात एका६५ वर्षीय अज्ञात वृद्ध महिलेचा मृतदेह वाहून आल्याची घटना उघडकीस आली आहे. परंतू ही वृद्ध महीलाचा घात पात की वाहून आली. या घटनेनं परिसरात एकच खळबळ उडाली असून लोकांनी मोठ्या प्रमाणात घटनास्थळी मृतदेह पाहण्यासाठी गर्दी केली होती. पोलिसांना या घटनेची माहिती मिळताच घटनास्थळी दाखल होवून या घटनेचा पंचनामा करून मृतदेह शव विच्छेदनासाठी मारेगाव ग्रामीण रुग्णालय येथे पाठवला असून पोलीस वृद्ध महिलेची ओळख पटवण्याचं काम करत आहेत.

संबंधित अज्ञात वृद्ध महिलेसोबत घातपात झाला असावा, असा संशय स्थानिक नागरिकांकडून व्यक्त केला जात आहे. पण शवविच्छेदनचा अहवाल आल्यानंतरचं मृत्यूचं नेमकं कारण स्पष्ट होऊ शकणार आहे. पण संबंधित वृद्ध महिलेची ओळख पटवण्याचं आव्हान पोलिसांसमोर आहे. तिने अंगात निळ्या रंगाची साडी व ऐक चपळ घातली आहे, असा तपशील पोलिसांनी प्रसिद्ध केला आहे. तसेच संबंधित वृद्ध महिलेबाबत कोणतीही माहिती मिळाली, तर पोलिसांशी संपर्क साधण्याचं आवाहन पोलिसांनी केलं आहे.

मारेगाव पोलीस ठाण्याच्या हद्दीतील दांडगाव नाल्यात हा मृतदेह आढळला आहे. ही घटना आज दि. १७ जुलै रोज रविवारी दुपारी ही घटना उघडकीस आल्यानंतर पोलिसांनी तपासाला वेग दिला आहे. अद्याप कोणताही पुरावा पोलिसांच्या हाती लागला नसून परिसरातील पुरावा हाती लागतोय का? याची चाचपणी देखील पोलिसांकडून केली जात आहे पुडील तपास मारेगाव चे ठाणेदार राजेश पुरी याच्या मार्गदर्शनात रजनीकांत पाटील, अजय वाभीटकर, राजु टेकाम करीत आहे.