मारेगाव येथे बकरी ईद उत्साहात साजरी...

मुस्लिम बांधवांनी बकरी ईद ची नमाज अदा करून मागितली जनतेसाठी दुवा

मारेगाव: मुस्लिम समाजात रमजान ईद सोबतच बकरी ईदला फार महत्त्व आहे बकरी ईद म्हणजे अल्लासाठी आपल्याला प्रिय असलेली अल्लाह च्या चरणी कुर्बानी करणे याला इस्लाम धर्मात फार मोठे महत्त्व आहे. म्हणून मुस्लिम बांधव गरीब गरजू बांधवांना अन्नदान करीत असतात.

मुस्लिम बांधवांसाठी पवित्र असलेल्या ईद-अल-अजहा म्हणजेच बकरी ईदचा सण आज देशभरात उत्साहाने साजरा केला जात आहे. मुस्लिम समाजामध्ये कुर्बानीला मोठं महत्व असून यावर्षी रविवारी, 10 जुलै 2022 रोजी हा सन साजरा करण्यात आला.

बकरी ईद हा सण मुस्लिम धर्मातील लोक मिठी ईदच्या 70 दिवसांनी म्हणजेच ईद उल फित्र नंतर साजरा करतात. हा त्यागाचा सण आहे आणि तो अल्लाहच्या भक्तीचे उदाहरण आहे.

हजरत इब्राहिम यांच्या बलिदानाच्या स्मरणार्थ ईद-उल-अजहा साजरी केली जाते. हजरत इब्राहिमने अल्लाहच्या आज्ञेवर निष्ठा दाखवण्यासाठी आपला मुलगा इस्माईलचा बळी देण्याचे मान्य केले होते. हजरत इब्राहिम जेव्हा आपल्या मुलाचे बलिदान देण्यासाठी पुढे निघाले तेव्हा देवाने त्यांची निष्ठा पाहून इस्माईलच्या बलिदानाचे दुंबेच्या (बकरी) च्या बलिदानात रूपांतर केले. इस्लामच्या धार्मिक श्रद्धेनुसार हजरत इब्राहिम अल्लाहचे पैगंबर होते.

मारेगाव तालुक्यात सतत पाऊस सुरु असल्याने बकरी ईद ची  नमाज शेतकरी सुविधा हॉल मारेगाव येथे गौसिया मज्जिदचे मौलाना हाफिज वशिम सहाब यांनी दि.10 जुलै रविवारला 8 वा कुराण शरीफ चे पठण करीत, नमाज अदा केली.यावेळी शहरांतील असंख्य मुस्लिम बांधवांनी बकरीची नमाज अदा करून देशातील हिन्दू मुस्लिम एकते साठी  दुवा केली.

मारेगाव पोलीस स्टेशनचे ठाणेदार राजेश पुरी यांनी मुस्लिम बांधवांना बकरीच्या शुभेच्छा दिल्या. तर मुस्लिम बांधवांनी गळाभेट करून एकमेकांना बकरीच्या शुभेच्छा देऊन बकरी उत्साहात आनंदात साजरी करण्यात आली