न्यू इंग्लिश हायस्कूल राळेगाव येथे शाळेच्या पहिल्या दिवशी विद्यार्थ्यांना मोफत पुस्तके, पुष्पगुच्छ देऊन स्वागत

 प्रवीण गायकवाड (राळेगाव तालुका प्रतिनिधी): शासन आदेशानुसार विदर्भातील शाळा दिनांक 29 जून पासून प्रत्यक्षात सुरु झालेल्या आहे. राळेगाव येथील न्यू इंग्लिश हायस्कूल येथे शाळेच्या पहिल्याच दिवशी न्यू एज्युकेशन सोसायटी संस्थेचे अध्यक्ष बी के धर्मे व सचिव सौ अर्चना धर्मे यांनी शाळेतील विद्यार्थ्यांचे शाळेच्या गेटवर पुष्पगुच्छ,मोफत पुस्तके, ड्रेस देऊन ढोल ताशा च्या गजरात वाजत-गाजत शाळेच्या मैदाना पर्यंत पुष्पगुछ देऊन स्वागत केले.

 यावेळी त्यांनी विद्यार्थीना चालू शैक्षणिक वर्षाच्या शुभेच्छा देऊन मार्गदर्शन केले. तसेच यावेळी शाळेचे मुख्याध्यापक मोहन देशमुख, उपमुख्याध्यापक जितेंद्र जवादे, पर्यवेक्षक विजय कचरे यांनी विद्यार्थीना शालेय शिस्त याबद्दल माहिती देऊन, चालू शैक्षणिक वर्षाच्या शुभेच्छा दिल्या, कोरोना काळा नंतर प्रत्यक्ष शाळा सुरु झाल्यामुळे विद्यार्थीच्या चेहऱ्यावर उत्साह दिसून येत होता,यावेळी शाळेतील शिक्षक, प्राध्यापक, शिक्षेकतर कर्मचारी यांनी मोलाचे सहकार्य केले.....