मनसे तालुका अध्यक्षपदी अविनाश लांबट

मारेगाव (ता. प्र): वणी येथे झालेल्या महाराष्ट्र नवनिर्माण सेनेच्या बैठकीत मनसैचे राज्याउपाध्यक्ष  राजुभाऊ उंबरकर यांच्या उपस्थितीत मारेगाव तालुका अध्यक्षपदी अविनाश लाबंट तर उपाध्यक्षपदी वामण चटकी यांची नियुक्ती करण्यात आली.

मनसे पक्षाशी एकनिष्ठ असलेले अविनाश लांबट व वामन चटकी यांच्यावर पक्षकार्यासाठी विश्वास ठेवत मनसेचे राज्याउपाध्यक्ष राजुभाऊ उंबरकर यांनी  पदासाठी नियुक्ती करुन मारेगाव तालुक्यात मनसेला बळकटी मिळणार ,रमेशभाऊ सोनुले यांना आजारामुळे आरामाची गरज असल्याने तातडीने मारेगाव तालुका अध्यक्ष व उपाध्यक्ष पदाच्या नियुक्त्या करण्यात आल्या असल्याच मनसेचे जिल्हाउपाध्यक्ष संतोष रोगे यांनी नवराष्ट्र प्रतिनिधी जवळ सांगितले.

राज्य उपाध्यक्ष राजूभाऊ उंबरकर  यांच्या हस्ते नियुक्ती पत्र प्रदान करण्यात आले.  नियुक्ती पत्र प्रदान करताना जिल्हा उपाध्यक्ष संतोष रोगे,माजी आरोग्य सभापती धनंजय त्रिंबके, वणी तालुका अध्यक्ष फाल्गुन गोहोकार, झरी तालुका अध्यक्ष गजानन मिलमिले, वणी शहर अध्यक्ष शिवराज पेचे यांच्या सह अनेक पदाधिकारी व कार्यकर्ते  उपस्थित होते . अविनाश लांबट व वामन चटकी यांच्या नियुक्तीचे सर्व स्तरावरून स्वागत होत आहे.