वणी येथे अग्नीपथ, अग्नीवीर या भ्रामक योजनेविरोधात भाकप, AIYF, AISF व पुरोगामी पक्ष संघटनांची निदर्शने !

आशिष साबरे (यवतमाळ जिल्हा प्रतिनिधी) वणी: येथील भाकप,AIYF,AISF यांच्यासह शहरातील पुरोगामी पक्ष संघटनांच्यावतीने आज दि. 20 जुन रोजी निदर्शने करण्यात आली. आंदोलकांच्या वतीने काॅ.अनिल घाटे आणि भाई अनिल तेलंग यांचे नेत्रुत्वात SDO  साहेबांना निवेदन देण्यात आले.  यावेळी आंदोलकांनी "सेव्ह युथ, सेव्ह इंडिया", "इन्कलाब जिंदाबाद", "शहीद भगतसिंह को लाल सलाम" या घोषणा दिल्या.

आंदोलकांनी  युवकविरोधी असलेल्या अग्नीवीर व अग्नीपथ योजनेच जाहीर धिक्कार केला. यावेळी विविध वक्त्यांची भाषणे झाली. अनिल घाटे यांनी हे देशातील बहुजन तरूणाईविरोधी षडयंत्र असल्याचे सांगितले तसेच अनिल तेलंग यांनी बेरोजगार तरूणाईची केंद्र सरकार मोठी दिशाभुल करत असल्याचे सांगितले तसेच येत्या काळात जर सरकारने हि योजना मागे घेतली नाही तर शेतकरी आंदोलनासारखे युवक आंदोलन देशभर उभे राहिल, असे सांगितले.

ऑल इंडिया युथ फेडरेशनचे भारत केमेकार व पांडुरंग ठावरी यांनी सांगितले कि देशातील कामगार कायदे संपविण्याचे षडयंत्र हे सरकार करत आहे. त्याची ट्रायल म्हणून या योजना सरकारने पुढे आणल्याचे दिसत आहे. या योजनेआडून कामगार कायद्यांवर घाला घालायचे काम सुरू आहे. केंद्रातील सरकार बहुजनविरोधी असल्याचे वेळोवेळी सिध्द झाले आहे. हि योजना बहुजन तरूणांचे भविष्य धोक्यात आणत आहे. चार वर्षानंतर 'ना पेन्शन, ना वेतन" अशा पेचात टाकून तरूणांची सामाजिक सुरक्षा धोक्यात आणत आहे. मोदी सरकारचे हे भांडवलदारी षडयंत्र भारतीय समाजाचे लष्करीकरण करण्याचा डाव दिसत आहे.

चार वर्षानंतर या मुलांना ना नोकरी, ना रोजगार मिळणार, ना सामाजिक सुरक्षा व सन्मान मिळणार. या बेरोजगारी संकटामुळे देशात नवी अराजकता येण्याचा धोका आहे. दोन कोटी रोजगाराचा प्रश्न टाळण्यासाठी दहा लाख नोकऱ्या चे अमिष दाखविले आहे. त्या अमिषाचाच एक भाग हि योजना दिसत आहे. या भ्रामक योजनेमुळे बहुजन समाजात अस्वस्थता निर्माण झालेली आहे कारण व्यापाऱ्यांची मुले रिक्रुट भरती होत नाहीत तर बहुजनांची होतात. त्यांचे भविष्य धोक्यात आणण्याचा हा 'बनिया डाव' मोदी सरकारने टाकलेला दिसत आहे.करीता अग्नीपथ नावाची फसवी योजना तात्काळ रद्द करण्याची मागणी यावेळी आंदोलकांनी केली.यावेळी बहुसंख्येने युवक सहभागी झाले होते.