न्यू इंग्लिश हायस्कूल व कनिष्ठ महाविद्यालय, राळेगाव यांची उत्कृष्ट निकालाची परंपरा कायम

प्रविण गायकवाड (राळेगाव तालुका प्रतिनिधी) :- नुकताच एच.एस. सी बोर्ड परीक्षेचा निकाल जाहीर झाला असून राळेगाव येथील नामांकित न्यू इंग्लिश हायस्कूल व कनिष्ठ महाविद्यालय,मधून कला शाखेत एकूण 101 विद्यार्थी या परीक्षेला बसले होते.त्यापैकी 93 विद्यार्थी उत्तीर्ण झाले असून एकूण निकालाची टक्केवारी 92.07% असून कनिष्ठ महाविद्यालया मधून प्रथम क्रमांक कु.संजीवनी ज्ञानेश्वर लोखंडे 420 गुण (70%) टक्के मिळाले असून द्वितीय क्रमांक कु.तनुजा दिलीप घनमोडे 415 (69.17%) गुण मिळवून प्राप्त केला असून तृतीय क्रमांक कु मेघा ज्ञानेश्वर मुके 412(68.67%).हिने गुण मिळविले आहे एकंदरीत दरवर्षीप्रमाणे यावर्षीही सुद्धा निकालात मुलीनेच बाजी मारली असून प्रथम श्रेणीत 26 विद्यार्थी पास झाले असून द्वितीय श्रेणीत 62 विद्यार्थी पास झाले असून तर तृतीय श्रेणीत 5 विद्यार्थी पास झाले असून कनिष्ठ महाविद्यालयाचा ग्रामीण भागाचा परिसर पाहता विद्यार्थ्यांनी निकालाची परंपरा कायम ठेवली असून त्यामुळे विध्यार्थीचा प्रवेश मिळविण्यासाठी पालकाचा सदर कनिष्ठ महाविद्यालयाकडे कल वाढला असून मागील सत्रात चालत असलेल्या सराव परीक्षा, ईतर उपक्रम यासाठी महत्वाचे आहे.

या निकालाचे, न्यू एज्युकेशन सोसायटी संस्थेचे अध्यक्ष बी. के. धर्मे, सचिव सौं. अर्चना धर्मे तसेच प्राचार्य मोहन देशमुख, उपप्राचार्य प्रा. जितेंद्र जवादे, पर्यवेक्षक विजय कचरे, प्रा. प्रवीण चौधरी, प्रा. रवि चिकाटे तसेच संस्थेचे सर्व शिक्षक व शिक्षकेत्तर कर्मचारी यांनी अभिनंदन केले असून कनिष्ठ महाविद्यालयातील उत्कृष्ट निकाला बाबतीत समाजातील सर्वच स्तरावरून अभिनंदनाचा वर्षाव होत आहे.