खर्चावर मात करून बळीराजा सुखावतो ।। उन्हाळी सोयाबीन लागवडीतून घेतले एकरी नऊ क्विंटल उत्पन्न

घरच्याच सोयाबीन लागवडीतून साधली किमया उगवण क्षमता ।। ८० ते८५ टक्के

प्रवीण गायकवाड (राळेगाव तालुका प्रतिनिधी) राळेगाव तालुक्यातील खैरी येथील शेतकरी अतुल शेटे यांची किमया दरवर्षी वाढणाऱ्या बियाण्याचे भाव बघून खैरी येथील प्रगतशील शेतकरी अतुल उर्फ बबलू शेटे यांनी खरीप हंगामातील झालेल्या सोयाबीन उत्पन्नातील जुनेच सोयाबीन बियाणे ची उन्हाळी पिकासाठी एक एकर क्षेत्रामध्ये लागवड केली. जेणेकरून पुढील हंगामाकरिता दुकानातील महागडी बियाणे घेण्यापेक्षा उन्हाळी पिकांमधून निघणारे बियाणेच लावायचे व शेत बियाण्यावर होणाऱ्या खर्चावर नियंत्रण लावायचे या संकल्पनेतून त्यांनी हा उपक्रम केला.

यासाठी त्यांनी उन्हाळी सोयाबीन पिकाचे योग्य नियोजन व मशागत करून एकरी नऊ क्‍विंटल सोयाबीनचे उत्पन्न घेतले. त्याची वरोरा येथील कृषी तज्ञा कडून उगवण क्षमता तपासून घेतली असता 80 ते 85 टक्के उगवणक्षमता मिळाली. इतकी उगवण क्षमता कंपनीचे बियाणे कडूनही मिळेल याची शक्यता नाही असे त्यांचे म्हणणे आहे, त्यांना जवळपास एकरी खर्च 15000 हजार असल्याचे माहिती आहे आणि सध्या त्यांच्या कडून बाहेर जिल्यातील तसेच तालुक्यातील शेतकरी 100 रुपये किलो प्रमाणे घेवून जात आहे म्हणजेच बळीराजा सुखावतो असल्याचे चित्र दिसत आहे.

आज रोजी या बियाण्याची उगवण क्षमता बघून परिसरातील शेतकरी यांचेकडे सोयाबीनची बियाणे करता मागणी करीत आहे. त्यांनी या प्रयोगातून महागड्या बियाण्याचे मागे न लागता शेतकऱ्यांनी योग्य नियोजन व मशागत करून उत्पन्न घेतले तर हेच बीज बियाणे म्हणून आपण वापरू शकतो व बियाणे यावर होणाऱ्या अतिरिक्त खर्चावर नियंत्रण मिळू शकतो हे प्रगतशील शेतकरी अतुल उर्फ बबलू शेटे यांनी जिल्ह्यातील शेतकऱ्यांसमोर या प्रयोगातून आदर्श निर्माण केला. अशी या शेतकऱ्याची यशोगाथा आहे.या मुळेच सर्व शेतकऱ्यांना त्यांचा सल्ला आहे की महागडे बियाणे घेण्यापेक्षा स्वतःच तयार करून वापरले तर नक्कीच शेतकऱ्यांना फायदा होईल कोणताही धोका होणार नाही असा संदेश दिला आहे.