वाळू 'पोलीस आणि महसूल' चा वरदहस्त; माफियांचा उपसाही बिनधास्त...

तालुक्यातील अवैध वाळूचा मोठा तस्कर कोण ?

मारेगाव : पोलिस स्टेशनच्या हद्दीमध्ये बिनधास्तपणे वाळू माफियांचा वाळू उपसा करून मारेगाव शहरासह तालुक्यातील विविध ठिकाणी अवैध वाळूचे स्टॉक करून असलेल्यांचे चित्र दिसुन येत आहे. तरीही, स्थानिक पोलीस प्रशासन आणि महसूल विभागाचे दुर्लक्ष होत असल्याची चर्चा स्थानिक नागरिकांमध्ये मोठ्या प्रमाणात सुरू आहे.

या विषयी सविस्तर माहिती स्थानिक नागरिकांने नाव न सांगण्याच्या आमच्या प्रतिनिधीशी बोलताना दिली. मारेगाव पोलीस स्टेशनच्या हद्दीमध्ये नदी नाल्यासह परिसरातील आपटी, कोसारा घाटावरील अवैधरित्या वाळू उपसा केला जात आहे. 

वाळू उपसा करणार्‍या वाळू माफियांवर कारवाई का नाही ? असा प्रश्न सर्वसामान्य नागरिकांमध्ये मोठ्या प्रमाणात चर्चिला जात आहे.

वाळू उपसा करणार्‍या वाळू माफियांना पाठीशी घालणाऱ्या शासकीय अधिकारी आणि कर्मचाऱ्यांवर वरिष्ठांच्या मार्फत निलंबनाची कारवाई केली जाईल का? त्याचप्रमाणे अवैध उपसा करणाऱ्या जेसीबी, ट्रॅक्टर आणि हायवा जप्त करून वाळू माफियांवर कारवाई होणार का ? असे प्रश्न अनुत्तरित असताना निसर्गाचा स्वार्थापोटी ऱ्हास करणाऱ्या मंडळीवर काय कारवाई होणार, हे पाहण्यासाठी नागरिकांमध्ये उत्सुकता निर्माण झाली आहे.