मारेगाव वाळू माफियांचे पोलिस-महसूल कनेक्शन..!

शहरात अवैध वाळूचे करून ठेवले स्टॉक.

  रेती तस्करांनी अधिकारी आणि कर्मचाऱ्यांशी हातमिळवणी केली असून रेती तस्करी जोरात सुरू आहे. यामध्ये स्थानिक ठाण्यातील  पोलिसांचा मोठा वाटा असल्याचे बोलले जाते. महसुलमधील वरिष्ठ अधिकाऱ्यांसह स्थानिक पोलिस अधिकाऱ्यांनी अवैध वाळू वाहतुक बंद करण्यासाठी धडक कारवाई करण्याची गरज निर्माण झाली आहे.

रेतीघाटावरून अवैध रेती वाहतूक होत असून महसूल बुडत असल्यामुळें, रेती माफियांनी एकजुट दाखवून पोलिस आणि महसूल विभागांच्या कर्मचाऱ्यांशी ‘सेटींग' केले असून दर दिवसाला मारेगाव शहरासह तालुक्यातील अवैधरित्या जवळपास २०० हायवासह ट्रॅक्टरने रेती येत असल्याची माहिती विश्‍वसनीय सूत्रांनी दिली आहे. महसूल विभाग आणि पोलिस विभागाच्या आशीर्वादाने शहरासह तालुक्यातील रेती तस्करीचा गोरखधंदा सुरू आहे. कोसारा, आपटीस घाटावरून मारेगाव शहरासह कुंभा, मार्डी, वेगाव, इत्यादी ठिकाणी रेती येते.व स्टॉक करून असलेल्या भागातून रात्रभर ट्रॅक्टरसह  हायवाच्या सहाय्याने वाळुची अवैध वाहतूक केली जाते व शासनाचा महसुल बुडविला जातो. या ओव्हरलोड वाहतुकीमुळे तालुक्यातील रस्त्यांची पूर्ण वाट लागली आहे. 

यामुळे शासनाला दुहेरी तोटा होतो आहे. या अवैध रेती वाहतूकीच्या अनेक तक्रारी प्राप्त झाल्या असून पोलिस, महसूल आणि परीवहन विभागाच्या संयुक्त पथकाने कडक कारवाई करावी. तसेच  सीसीटीव्ही कॅमेऱ्यांनी रेतीच्या अवैध वाहतूकीवर नजर ठेवावी. वाहनावर दंडाच्या रकमेसह जप्तीची कारवाई करावी, अशी मागणी तालुक्यातील नागरिकांकडून होत आहे. रेती तस्करांनी अधिकारी आणि कर्मचाऱ्यांशी हातमिळवणी केली असून रेती तस्करी जोरात सुरू आहे. यामध्ये स्थानिक ठाण्यातील  पोलिसांचा मोठा वाटा असल्याचे बोलले जाते. महसुलमधील वरिष्ठ अधिकाऱ्यांसह स्थानिक पोलिस अधिकाऱ्यांनी अवैध वाळू वाहतुक बंद करण्यासाठी धडक कारवाई करण्याची गरज निर्माण झाली आहे.