भूमिपूजन होऊन पाच महिने उलटले तरी मात्र रस्ता कामाचा पत्ताच नाही...

भाजपा आमदारांचे हस्ते झालं होतं भूमिपूजन ?

प्रवीण गायकवाड (राळेगांव तालुका प्रतिनिधी): भाजपा आमदारांनी पाच महिन्या आधी मोठ्या गाजावाजा करत राळेगांव तालुक्यातील अनेक विकास कामांचे भूमिपूजन केले पण मात्र फक्त बोर्ड दिसतोय.काम मात्र थंड्याबस्त्यात चं असल्याचे एका रस्ता कामावरुन निदर्शनास आले आहे.

सावंगी पेरका ते चिकना या रा. मा.317या रस्त्याचे उदघाटन होऊन पाच महिने उलटून गेले परंतू रपट्या व्यतिरिक्त कोणत्याही प्रत्यक्ष कामाला अजूनही सुरुवात झालेली नाही. सावंगी पेरका ते चिकना हा रस्ता गेल्या 4वर्षा पासून अतिशय वाईट परिस्थितीत आहे.

 त्यामुळे गावातील मुलांना तालुक्यातील शाळेत ये जा करताना फार त्रास सहन करावा लागतो. त्याच हा मोठा प्रश्न प्रमाणे गावातील शेतकरी, मजूरदार वर्ग विशेष जर पावसाळ्यात कुणी गावात बिमार झाले तर त्यांनी गावाबाहेर कसे जायचे,हा मोठा प्रश्न गावकरी मंडळी समोर आहे.रोड च्या कामाचे उदघाटन मोठ्या थाटात पार पडल्या नंतर पाच महिने होऊन सुद्धा कामाला अजून सुरुवात झाली नाही.

 पवसाळा आत्ता समोर असताना अजूनही रस्त्याची अवस्था जैसे ते आहे. जून महिन्यात शाळा सुरु होणार, शेतकरी वर्गाला आपल्या कामासाठी मार्केट मध्ये यावे लागणार, पावसाळ्यात बिमाऱ्यांचे प्रमाण आपोआपच वाढले तर, ह्यातच जर रस्त्याचे काम पूर्ण झाले नाही तर काय करावे हा प्रश्न गावकरी मंडळी समोर आं वासून उभा आहे. तेव्हा संबंधित प्रशासन, व ठेकेदार यांना विनंती आहे कीं याकडे दुर्लक्ष न करता तातडीने काम सुरु करावेत. अशी मागणी चिकणा वासियांची संबंधितांना आहे..