दोन विद्यमान अध्यक्षां भोवती फिरतेय राळेगांव सोसायटी ची निवडणूक ?

प्रवीण गायकवाड (राळेगांव तालुका प्रतिनिधी): २९ मे रोजी होणाऱ्या ग्राम विविध कार्यकारी सहकारी संस्था राळेगांव ची संपूर्ण निवडणूक दोन्ही विद्यमान अध्यक्षां भोवती फिरतेय असंच चित्र सध्या जनचर्चा अंती निदर्शनास येत आहे. ग्राम विविध कार्यकारी सहकारी संस्था राळेगांव चे विद्यमान अध्यक्ष जानराव वामनराव गीरी व राळेगांव तालुका पत्रकार संघाचे अध्यक्ष राजेश जयवंतराव काळे यांची च सर्वदूर चर्चा   सध्या जोरात सुरु आहे.

या वेळी पाच नविन उमेदवारांना तिकीट देऊन चांगला संदेश दिला आहे. या निवडणूकीचे वैशिष्ट्य म्हणजे राळेगांव तालुका पत्रकार संघाचे माजी अध्यक्ष अशोक पिंपरे हे सुध्दा निवडणूक रिंगणात आहे.

काँग्रेस पक्ष समर्थित,राळेगांव शेतकरी विकास आघाडी पॅनेल चे सर्व तेरा ही उमेदवारां नी प्रचारात चांगलीच आघाडी घेतली असून,उमेदवारां समवेत त्या त्या प्रभागातील जूनी जाणती ,मातब्बर मंडळीं प्रचारा दरम्यान दिसत आहेत. काँग्रेस पक्षाने सर्व समाज समावेशक उमेदवारांना रिंगणात उतरविले आहे. या उलट विरोधकांना पूर्ण तेरा ही उमेदवार मिळालेच नाही. विद्यमान भाजपा आमदार यांचा एकच उमेदवार तर आठ असं पॅनेल रिंगणात उतरले आहेत. 

नऊ उमेदवार व एक स्वतंत्र असे तेवीस उमेदवार तेरा जागेसाठी लढत देत आहे. काँग्रेस पक्ष समर्थित पॅनेल चे सर्वसाधारण कर्जदार प्रतिनिधी मतदार संघातून आजच चार संचालक निर्वाचित झाले आहे हा शुभ संकेत च म्हणावा लागेल. काँग्रेस पक्षाचे सर आणि भाऊ यांनी ही निवडणूक प्रतिष्ठेची केली असून,दोन्ही नेते सभासद मतदार बांधवांच्या संपर्कात राहून तेरा ही उमेदवारां ना लक्षणीय मतांनी निवडून द्या असं आवाहन करत आहे. 

काँग्रेस पक्ष समर्थित पॅनेल साठी अंत्यत आनंदाची आणि महत्त्वाची बाब म्हणजे सहकार नेते ॲड प्रफुल्ल मानकर यांची कालच काँग्रेस पक्षाचे यवतमाळ जिल्हा अध्यक्ष पदी नियुक्ती करण्यात आली आहे. याचा मोठा लाभ पॅनेल समर्थित उमेदवारांना निश्चितच मिळेल असा कयास राजकीय धुरंधराचा आहे हे विशेष...