शहरातून जाणाऱ्या जीवघेण्या हायवे त सुधारणा होणार कधी ?

प्रवीण गायकवाड (राळेगाव तालुका प्रतिनिधी) : राष्ट्रीय महामार्ग क्रमांक तिनशे एकसष्ट बी हा राळेगांव शहरातून जातोय, पण तयार झाल्या नंतर या हायवे वर अनेक अपघात होत आहे. 
या सहा महिन्यात सहा जण भीषण अपघातात जीवानिशी गेले आहे.
या मध्ये ज्या चूका झाल्यात,त्या मध्ये सुधारणा होणार तरी कधी? 
ज्यांच्यावर ही जबाबदारी आहे ती मोठी कंस्ट्रक्शन कंपनी दिलिप बिल्डकाॅन यांच या महत्त्वाच्या बाबीं कडे साफ दुर्लक्ष करत असल्याचे निदर्शनास येत आहे. 

पाच वर्ष या राष्ट्रीय महामार्ग क्रमांक तिनशे एकसष्ट बी ची सर्व प्रकारची देखभाल करण्याची आहे.पण राळेगांव शहरात दोन किलोमीटर अंतरावर,रस्त्याच्या मधोमध असलेले पथदिवे अर्ध्या दूर पर्यंत बंद चं असून,रस्ता दुभाजाकाचे कठडे अर्धे तुटलेले,अनेक ठिकाणी गट्टू खराब तर कोठे कोठे दोन्ही बाजूने गट्टू बसविले च नाही. मोठमोठ्या वृक्षांची कत्तल केली पण नविन वृक्ष लावले च नाही. या विषयी नगर पंचायत राळेगांव च्या सबंधितांनी वेळोवेळी लेखी तक्रारी दिल्यात, महसूल प्रशासनाने देखील रस्ता सुरक्षे बाबत सबंधितांना अवगत केले आहे. पण मात्र काहीच सुधारणा झाली च नाही. लेखी तक्रारीकडे कानाडोळा करण्यात  ही कंपनी तरबेज तर झाली नाही ना?असाही प्रश्न जनतेच्या मनात डोकावत आहे. 

याचा तोटा म्हणजे या सहा महिन्यात सहा जण शहरात आणि बारा च्या नागरिकांना कळंब _राळेगांव _वडकी दरम्यान आपले प्राण गमवावे लागले तर अनेकांना कायमस्वरुपी अपंगत्व आले आहे. वाहनांची तोडफोड झाली त्याचा नाहक भुर्दड माथी बसला आहे.  
अपघात झाला की जनआक्रोश वाढतोय,चूक कोणाची? जीवानिशी जातोय कोण?.

अपघाताची नानाविध कारणं आहेत, सर्वात महत्वाचे म्हणजे रस्ता लहान,मधोमध असलेले रस्ता दुभाजाक काढणे, गतिरोधक बसविण्यात मनाई असली तरी नियमांत बसविण्यात येऊ शकतात.अनेक हायवे वर गावा जवळ  गतिरोधक आजही आहेत. 
या सर्व सुधारणा होणं नागरिकांच्या जीवहानी साठी खूप गरजेचं आहे..

या साठी सर्व सबंधितांची जबर इच्छाशक्ती किती जबरदस्त आहे त्या वरचं सर्व अवलंबून आहे हे विशेष....