भरधाव ट्रकच्या धडकेत दुचाकीस्वार जागीच ठार.

मारेगाव तालुक्यातील घटना

मच्छिंद्रा कडुन वणीकडे जाणाऱ्या भरधाव ट्रकने दुचाकी वाहनाला समोरून जबर धडक दिल्याने झालेल्या अपघातात दुचाकीस्वार जागीच ठार झाला ही घटना  वाघाडा पुलाच्या समोर मच्छिंद्रा नांदेपेरा मार्गावरील आज दि. २२ मे रोजी ५ वाजताच्या दरम्यान  घटना घडली.

मच्छिंद्रा येथे  दिनेश मत्ते (वय ४७) हे मच्छिंद्रा येथून काही कामानिमित्त वणी येथे गेले असताना वणी येथून काम आटपून मच्छिंद्राकडे परतत असतांना समोरून येणाऱ्या भरधाव ट्रकने जबर धडक दिली. धडक बसल्यामुळे दिनेश यांचा तोल जाऊन ते रस्त्यावर जोरात पडले या अपघातात दिनेश हे जागीच ठार झाले असुन त्याच्या दुचाकीचे दोन तुकडे झाले असून या घटनेची माहिती मारेगाव पोलीसांना मिळताच पोलिस घटनास्थळी दाखल होवून या घटनेचा पंचनामा करून ट्रकसह चालकाला ताब्यात घेण्यात आले असून मृतदेह उत्तरीय तपासणीसाठी मारेगाव ग्रामीण रुग्णालयात पाठविण्यात आले असून या घटनेचा पुढील तपास मारेगाव पोलिस करत आहे.