*करारनामा कोणाचा? विहिर खोदली कोणाच्या शेतात?* ●जि.प.उपअभियंता ग्रामीण पाणीपुरवठा उपविभाग राळेगांव चा महाप्रताप● ● पंधरा वर्षापासून मोबदला व नुकसान भरपाई मिळाली च नाही●

राळेगांव तालुका प्रतिनिधी.. प्रवीण उद्धवराव गायकवाड

पाणी पुरवठा करणाऱ्या विहिरी साठी  करारनामा एका भावाचे शेतजमिनी केल्या नंतर,विहीर मात्र चक्क दुसऱ्या भावाचे शेतात केल्याचा महाप्रताप उपअभियंता जि.प.ग्रामीण पाणीपुरवठा उपविभाग राळेगांव च्या कार्यालयाने सन् २००८_२००९ या आर्थिक वर्षात केल्या चे सबंधित शेतकऱ्याच्या तक्रारी अंती निदर्शनास येत आहे. 
मौजा येवती येथे भारत निर्माण योजने अंतर्गत सबंधितांनी विहिरी साठी करारनामा व इतर सर्व बाबी विजय कृष्णाजी गावंडे यांचे शेतातील जमीन  घेण्याचे ठरले असताना,विहीर मात्र यादव कृष्णाजी गावंडे या भावाचे शेतात खोदली. या दरम्यान या सर्व कामाची पाहणी करण्या ची जबाबदारी सबंधितांनी पार न पाडल्या मुळे घोर झाला आहे.आणखी विशेष म्हणजे विहिरी सह स्विच रुम साठी अर्धा एकर शेतजमिनी वर बेकायदेशीर ताबा घेतल्याचा आरोप तक्रारकर्ते यादव कृष्णाजी गावंडे यांचा असून,फुटलेल्या पाईपलाईन मुळे शेतात पाणी साचून राहतं.यामुळे दोन्ही भावाच्या पंधरा वर्षापासून पीका चे अतोनात नुकसान होत आहे. या वर कमाल म्हणजे आतापर्यंत शेतजमिन अधिग्रहण मोबदला सुध्दा मिळालेला नाही. या संदर्भात त्यांनी वेळोवेळी सबंधितांना लेखी तक्रार देऊन न्याय द्या वा अशी मागणी केली,  या व्यतिरिक्त विभागीय आयुक्त अमरावती व जिल्हाधिकारी यवतमाळ  यांच्या कडे तक्रार दाखल केली आहे. पण मात्र मोबदला,नुकसानभरपाई केव्हा मिळेल याची च प्रतिक्षा विजय कृष्णाजी गावंडे यांना आहे...