जमिनीची सुपीकता वाढविण्यासाठी पाटबंधारे प्रकल्पामधील गाळ उपयुक्त ।। शेतकऱ्यांनी गाळ नेण्याचे जिल्हाधिकारी यांचे आवाहन

आशिष साबरे (यवतमाळ जिल्हा प्रतिनिधी): जिल्ह्यातील विविध जलसंधारण प्रकल्पामध्ये साठलेला गाळ जमिनीची सुपीकता वाढविण्यासाठी उपयुक्त असून शेतकऱ्यांनी पाटबंधारे विभागाच्या परवानगीने स्वखर्चाने सदर गाळ नेण्यासाठी अर्ज करावे, असे आवाहन जिल्हाधिकारी अमोल येडगे यांनी केले आहे

जिल्हास्तरीय सनियंत्रण समिती जलशक्ती अभियान आणि गाळमुक्त धरण व गाळयुक्त शिवार योजनेंतर्गत  विभाग निहाय धरण व त्यामध्ये सद्य:स्थितीत असलेला गाळ याबाबत जिल्हाधिकारी यांनी नुकताच आढावा घेतला.  याप्रसंगी उपजिल्हाधिकारी (रोहयो) संगीता राठोड, जिल्हा जलसंधारण अधिकारी  सुहास गायकवाड, जिल्हा अधिक्षक कृषी अधिकारी नवनाथ कोळपकर, यवतमाळ प्रकल्पt बांधकाम विभागाचे कार्यकारी अभियंता नितीन बनसोड, अरूणावती पाटबंधारे विभागाचे कार्यकारी अभियंता  वि. भ. बागुल, यवतमाळ पाटबंधारे विभागाच्या कार्यकारी अभियंता अ. आ. जाधव, महाराष्ट्र जिवन प्राधिकरणचे कार्यकारी अभियंता  प्रफुल्ल व्यवहारे, मृद व जलसंधारण विभाग (जि. प.) चे जिल्हा जलसंधारण अधिकारी भु. म. दमाहे, सहाय्यक वनसंरक्षक अ. ना. डिगोळे, जलसंधारण अधिकारी आय. एस. भुरे व एस. बी. लाडेकर प्रामुख्याने उपस्थित होते.

प्रकल्पातील गाळ काढण्याकरीता ईच्छुक शेतकरी यांनी सर्वप्रथम ज्या प्रकल्पामधुन गाळ घ्यावयाचा आहे त्या प्रकल्पाशी संबंधीत विभागास विहीत नमुण्यात अर्ज सादर
करुन परवानगी घ्यावी. गाळ काढतांना धरणाच्या सुरक्षेला प्राधान्य देण्यात यावे. धरणामधील गाळ हा शेतक-यांनी स्वखर्चाने संबंधित विभागाच्या दिशानिर्देशांचे तंतोतंत पालन करुन काढावा. सदर गाळाचा वापर हा फक्त शेतीत टाकण्यासाठीच करण्यात यावा. ‌यासंबंधात शेतकरी अथवा अशासकीय संस्था यांचे विहीत नमुण्यातील अर्ज प्राप्त होताच त्यांना त्वरीत मंजुरी देण्याबाबत जिल्हाधिकारी येडगे यांनी सर्व विभाग प्रमुखांना सुचीत केले. गाळ उपसण्याचे काम १०० टक्के लोकसहभागातुन १५ जुन २०२२ पर्यंत पुर्ण करण्याचे निर्देश जिल्हाधिकारी यांनी संबंधित अधिकारी यांनी दिले.

मृद व जलसंधारण विभागाकडील ८ योजना व जिल्हा परिषदेकडील २५ योजना,  अरुणावती पाटबंधारे विभाग, दिग्रस यांच्या विभागाकडील १५ योजनांमध्ये तर 
यवतमाळ पाटबंधारे विभाग यांचेकडील १६ योजनांमधुन  गाळाचा उपसा केला जाऊ शकतो अशी माहिती संबंधित अधिकारी यांनी बैठकीत दिली. बैठकीला जलसंधारण विभागाचे संबंधित अधिकारी उपस्थित होते.