तिघांनी केली होती विलास गौरकारची हत्या; सहा दिवसानंतर लागला आरोपींचा छडा.

मारेगाव: जुन्या वादातून  तिघांनी शेतकऱ्याचा बैल ठार मारण्याचे नियोजन मारेगावातील एका बार मध्ये आखले.त्यानुसार तिघे शेतातील गोठ्यात जाऊन विषारी औषधीने बैल ठार मारण्याचे इंजेक्शन देण्याचे ठरले असतांना जागली गेलेल्या विलास गौरकार नामक शेतकऱ्यांने हटकले असता तिघांनी मिळून विलासचा गळा आवळून हत्या केली.गेल्या सहा दिवसांपूर्वी घडलेल्या घटनेचे मुख्य सूत्रधारासह 3 आरोपींचा मारेगाव पोलिसांनी छडा लावून अटक केली.

अजित गैबिदास फुलझेले (३९),प्रशांत भोजराज काटकर (३४), रुपेश शंकरराव नैताम (२९) सर्व रा. नवरगाव ता.मारेगाव असे पोलिसांनी ताब्यात घेतलेल्या आरोपीचे नाव आहे.

या घटनेची सविस्तर माहिती  अशी की , पोलीसांच्या ताब्यात असलेला विशाल झाडे व अजित फुलझेले यांची मारेगावच्या एका बिअरबार मध्ये भेट झाली.त्याच्या समवेत प्रशांत काटकर व रुपेश नैताम यावेळी हजर होते. विशाल व फिर्यादी सतीश गौरकार यांचे जुन्या वादातून सतिशचे गोठ्यातील बैल विषारी इंजेक्शन च्या साहाय्याने मारण्याचे नियोजन केले. त्यानुसार प्रशांत व रुपेश, अजित हे डोर्ली शिवारातील दि.८ मे  रोज रविवारच्या रात्री गोठा शिरताना  विलास गौरकार हा  शेतात जागली असल्याने.तो गोठ्याजवळ येताच त्यांची तिघा आरोपीसोबत बाचाबाची होवून नशेच्या अवस्थेतील आरोपींनी विलासला जमिनीखाली  पाडुन.रुपेश हा विलासच्या अंगावर बसून अजित व प्रशांत यांनी दुपट्ट्याने विलास गौरकार याचा गळा आवळला व यातच विलासचा मृत्यू झाला.

तालुक्यात खळबळ उडवुन देणाऱ्या खुनाचे रहस्य उलगडण्यासाठी फिर्यादीच्या तक्रारीवरून घटनेच्या दुसऱ्याच दिवशी संशायित विशाल झाडे यास अटक केली होती. मात्र ठोस धागेदोरे गवसत नव्हते .पोलिसांनी गंभीर गुन्ह्यातील जलदगतीने तपासाची चक्रे फिरवीत अवघ्या सहा दिवसात हत्येचा उलगडा करण्यात आला हा तपास जिल्हा पोलिस अधीक्षक दिलीप पाटील भुजबळ ,उपविभागीय पोलीस अधिकारी संजय पुज्जलवार , सहाय्यक पोलीस निरीक्षक राजेश पुरी  यांच्या मार्गदर्शनाखाली उपनिरीक्षक डी. आर.सावंत , जमादार आनंद आलचेवार , नितीन खांदवे , रजनीकांत पाटील , विवेक राठोड , अफजल खान पठाण , अजय वाभीटकर यांनी आज दि.१५ मे रोज रविवारच्या पहाटे या घटनेचा तपास  लावला.