भरधाव वाहनाच्या धडकेत बालिका गंभीर जखमी ।। वसंतनगर येथील घटना

मारेगाव -पांढरकवडाहून वसंत नगरच्या दिशेने जाणाऱ्या चारचाकी वाहनाने धडक दिल्याने १५ वर्षीय बालिका गंभीर जखमी झाली आहे.

रत्नमाला पुनाजी मेश्राम (वय १५ रा. वागधरा ता.मारेगाव ) असे या अपघातात गंभीर जखमी झालेल्या मुलीचे नाव असून  दि.२ मे रोजी सोमवारला सहा वाजता सुमारास हा अपघात झाला असून  या अपघातात गंभीर जखमी मुलीला येशू ख्रिस्त हॉस्पिटलमध्ये उपचारसाठी उमरी येथे दाखल केले असून रत्नमालाच्या दोन्ही पाय फॅक्चर असल्याची माहिती प्राप्त झाली आहे.

याबाबत मिळालेल्या माहिती नुसार रत्नमाला मेश्राम ही गावा शेजारी बकऱ्या  चारत होती. पांढरकवडा हुन चारचाकी क्र. एम. एच. ३४ एव्ही ९५४५ भरधाव वाहनाने गजानन राजुरकर यांच्या शेता समोर  वाहनाने धडक दिल्याने या धडकेत १५ वर्षीय बालिका गंभीर जखमी झाली. गंभीर जखमी मुलीला तात्काळ नागरीकांनी उपचारासाठी येशू ख्रिस्त रूग्णालयात उपचारासाठी दाखल केले असून या घटनेची माहिती मारेगाव पोलीसांना माहिती मिळताच पोलिस  घटनास्थळी दाखल होवून घटनास्थळावरून वाहन चालकासह चारचाकी वाहन ताब्यात घेण्यात आले आहे. या घटनेचा पुढील तपास मारेगाव पोलिस करत आहे.