विवाहित युवकाची विषारी औषध प्राशन करून आत्महत्या || मारेगाव तालुक्यातील पहापळ येथील घटना.

मारेगाव तालुक्यातील पहापळ येथील घटना.

मारेगाव तालुक्यातील पहापळ येथील एका तीस वर्षीय विवाहित तरूणाने विषारी औषध सेवन करून आपली जीवन यात्रा संपवण्याची दुर्दैवी घटना घडली आहे. पहापळ (ता. मारेगाव) येथे आज सोमवार (दि. 25) दुपारी तिन वाजताच्या दरम्यान ही घटना घडली. त्याच्या आत्महत्येचे कारण मात्र समजू शकले नाही.

विशाल शंकरराव इंगोले (वय 30, रा.पहापळ) असे आत्महत्या केलेल्या तरुणाचे नाव आहे. मिळालेल्या माहितीनुसार विशाल इंगोले याने आज दि. 25 एप्रिल रोज दुपारच्या तिनच्या सुमारास विषारी औषध सेवन केले. त्यावेळी त्याच्या कुटुंबियांनी त्याला तातडीने उपचारांसाठी मारेगाव येथील ग्रामीण रुग्णालयात दाखल केले. मात्र उपचाराद पूर्वी त्याचा मृत्यू झाला. विशाल हा विवाहित असून त्याच्या पश्चात एक मुलीगी ,आई ,वडील व लहान भाऊ असा परिवार आहे. याप्रकरणी मारेगाव पोलिस ठाण्यात गुन्हा दाखल करण्यात आला असून पुढील तपास मारेगाव पोलिस करीत आहेत