मारेगावात आज अंध कलावंताची "मैफिल स्वरांची" व सत्कार सोहळा.

मारेगाव:- आज 20 एप्रिल रोजी सायंकाळी ठीक 6 वाजता नगरपंचायत मारेगाव च्या भव्य पटांगणात तालुक्यातील विविध कार्यकारी सहकारी संस्थेवर निवडून आलेल्या उमेदवारांचा व पॅनल प्रमुखांचा जाहीर सत्कार सोहळा व जीवनाशी संघर्ष करणाऱ्या अंध मुलांचा संगीतमय कार्यक्रम ऑर्केस्ट्रा चेतन सेवाकुंर प्रस्तुत "मैफिल स्वरांची" या संगीतमय कार्यक्रमाचे आयोजन करण्यात आले आहे.

यावेळी तालुक्यातील विविध कार्यकारी सहकारी सोसायटीवर निवडून आलेल्या उमेदवारा सह जिल्हा मध्यवर्ती सहकारी बॅंकेचे उपाध्यक्ष संजय देरकर व एस.बि.ट्रेडर्स चे संचालक गौरीशंकर खुराणा यांचा मान्यवरांच्या हस्ते जाहीर सत्कार करण्यात येणार आहे.

जीवनाशी संघर्ष करणाऱ्या अंध कलावंताचा "मैफिल स्वरांची" या हिंदी,मराठी गीतांचा संगीतमय कार्यक्रमाचा, तालुक्यातील तमाम जनतेनी अवश्य लाभ घ्यावा असे आवाहन कार्यक्रमाचे आयोजक कुंभा येथील सरपंच अरविंद ठाकरे, प्रेमकुमार खुराणा, नगरसेवक नंदेश्वर आसुटकर, जितेंद्र नगराळे, हेमंत नरांजे,सामाजिक कार्यकर्ते संजय तामगाडगे,नागेश रायपुरे, मारोती मुपिडवार,विवेक बोबडे आदींनी केले आहे.