रेल्वे गेट न उघडण्यावरून केली मारहाण ।। मुकूटबन पोलिसांनी केले गुन्हे दाखल

झरी: झरी तालुक्यातील मांगली येथील रेल्वे गेटवर ड्युटी करणाऱ्या गेटमॅनला जबर मारहाण करून जखमी केल्याची घटना १४ एप्रिलच्या रात्री घडली यावरून मुकूटबनपोलिसांनी विविध कलमांतर्गत गुन्हे दाखल केले आहे. मुकूटबन येथून ७ किमी अंतरावरील मांगली येथील गेट क्र २२ सी वर गेटमॅन म्हणून रेल्वे कर्मचारी धर्मेंद्रकुमार सिम्भूदयाल मीना वय २८ वर्ष रा, रेल्वे कॉलनी मुकूटबन हा सायंकाळी ६ ते सकाळी ६ वाजताच्या शिफ्टमध्ये ड्युटीवर होता.

रात्री ८.४० वाजता दरम्यान रेल्वे येत असल्याचा कॉल आला. त्यामुळे रेल्वेगेट कुणीही ओलांडू नये याकरिता धर्मेंद्रकुमार याने रेल्वेगेट खाली केले. तेवढ्यात मुकूटबन येथील राहुल दुर्गे नामक मुलगा अंदाजे वय २८ वर्ष  दुचाकी क्र एपी ०१, एसी ४५१८ घेऊन मद्यधुंद अवस्थेत आला व रेल्वे फाटक उघड असे म्हणून अश्लील शिवीगाळ देणे सुरू केले. रेल्वे गाडी गेल्याशिवाय फाटक उघडणार नाही व पाच मिनिटात रेल्वे गाडी जाणार आहे. रेल्वेगाडी जाताच फाटक उघडतो असे म्हणताच राहुल दुर्गे याने अंगावर धावत येऊन कर्मचारी धर्मेंद्रकुमार याला लाथाबुक्यांनी नाकावर व तोंडावर जबर मारहाण केली. 

त्यात धर्मेंद्रकुमार यांच्या नाक व तोंडातून रक्ताच्या धारा वाहू लागल्या व गंभीर जखमी झाला. मारहाण करत असताना धर्मेंद्रकुमार याने आरडाओरड केल्याने राहुल दुर्गे दुचाकी घेऊन पळून गेला. काही वेळातच त्याच गेटवर ड्युटी करणारे कर्मचारी संजय लेडांगे, राकेश ताडुरवार व रंजितकुमार सिंग आले. 

रंजितकुमार सिंग यांच्यासोबत पोलीस स्टेशन गाठून राहुल दुर्गे विरुद्ध वरील प्रमाणे तक्रार दिली. यावरून मुकूटबन पोलिस स्टेशन गुन्हे दाखल. जखमी धर्मेंद्रकुमार याला पांढरकवडा येथे पाठविण्यात आले. मांगली रेल्वेगेट वरील फटकाजवळ तसेच त्या परिसरात लाईटची व्यवस्था नसल्याने मोठी अडचण ड्युटी कर्मचारी याना होत आहे.

जनतेला रेल्वेगेट दिसत नसल्याची ओरड करून उपस्थित कर्मचार्यसोबत लोक हुज्जतबाजी सुद्धा करतात. सदर प्रकरणाचा तपास ठाणेदार अजित जाधव यांच्या मार्गदर्शनाखाली पोलीस उपनिरीक्षक अनिल सकवान ,संदीप कुमरे ,प्रवीण तालकोकुलवार, संजय खांडेकर करीत आहे