शेतकऱ्यां विरोधात कायदे करणाऱ्या सरकारला हाकलून शेतकरी-कामगारांची सत्ता निर्माण करणे हेच किसान सभेचे उद्दिष्ट- कॉ. शंकरराव दानव ● क्रांतीसूर्य महात्मा फुले यांचे जयंती दिनी मुकुटबन येथे किसान सभेचा शाखेचे उदघाटन व सभा

● 
______________________
मुकुटबन : अच्छे दिनाचे स्वप्न दाखवून शेतकरी व कामगारांचे मते घेऊन सत्तेत आलेल्या केंद्रातील भाजपच्या मोदी सरकारने शेतकऱ्यांविरोधात कृषी कायदे केले, कामगार हिताचे कामगार कायदे रद्द करून कामगारांचे शोषण वाढविणारे नवीन ४ कामगार संहिता आणल्या, हे सर्व या देशातील कष्टकऱ्यांच्या विरोधात असल्याने ह्या सरकारला बदलवून शेतकरी कामगारांची, लाल झेंड्याची सत्ता आणणे हे या देशातील कष्टकऱ्यांचे उद्दिष्ट असले पाहिजे, असे आवाहन किसान सभेचा शाखेचा उदघाटन प्रसंगी झालेल्या सभेत कॉ. शंकरराव दानव यांनी केले.

क्रांतिसूर्य महात्मा ज्योतिबा फुले यांचे जयंती दिनी ह्या कार्यक्रमाचे आयोजन करण्यात आले होते. या कार्यक्रमाचे अध्यक्षस्थानी कॉ. अंकलू गोनर्लावार होते तर प्रमुख उपस्थिती माकपचे जिल्हा सचिव कॉ. कुमार मोहरमपुरी, कॉ. दिलीप परचाके, कॉ. मनोज काळे, कॉ. कवडू चांदेकर, कॉ. उरकुडा गेडाम होते.
या वेळेस कॉ. मोहरमपुरी, कॉ. परचाके यांनी सुद्धा मार्गदर्शन केले. कॉ. दानव यांनी पुढे बोलताना सांगितले की, परिसरात उभारल्या जाणाऱ्या कंपन्यांमध्ये स्थानिकांना रोजगार देणे व त्यांचे शोषण होणार नाही ह्या साठी आंदोलन उभारले जाईल. 
या कार्यक्रमाचे सूत्रसंचालन अंकुश एलकेवार यांनी केले. या कार्यक्रमाला प्रामुख्याने राजनर्सय्या गोंलावार, रेखा परशिवे, दिलीप शंकावार, प्रमोद कोंडरवार, संजय परशिवे, लेखन बोरवार, रेणुका कुंटावार, महादेव कामतवार, सूर्यभान इंगोले, मारोती रासमवार, विमल परशिवे, नामदेव गुरनुले, संतोष परशिवे, कुंता चचने, वसंता परशिवे, पार्वतीबाई परचाके, गवळणबाई कुमरे, गंगुबाई दारसावार आदी उपस्थित होते.