मुकूटबन येथे अवैधरित्या सुरू असलेले वस्तीगृह तात्काळ बंद करा || समाजीक कार्यकर्ते संतोष चिटलावार यांची तहसीलदारा सह वरिष्ठ अधिकाऱ्याकडे तक्रार.

ओमनगरी मध्ये दोन वर्षांपासून सुरू आहे वस्तीगृह

आशिष साबरे (यवतमाळ जिल्हा प्रतिनिधी): तालुक्यातील मुकूटबन येथे अवैधरित्या वसतिगृह सुरू असून सदर वसतिगृह तात्काळ बंद करण्याची तक्रार तहसीलदार यांच्याकडे करण्यात आली आहे. 

मुकूटबन येथील वॉर्ड क्र १ मधील ओमनगरी मध्ये गेल्या दोन वर्षांपासून  शासनाची कोणतीही परवानगी न घेता  येथीलच एक इंग्रजी माध्यमातील शिक्षकाने मुलांचे वसतिगृह अवैधरित्या सुरू  केले आहे.  वसतिगृहात परिसराच्या खेड्यातील १८ मुले राहत  आहे.  सदर वसतिगृह  नीनान चेरियन नावाच्या शिक्षकाने सुरू केले आहे. वस्तीगृहातील मुलांकडून सदर शिक्षक हा मोठी रक्कम वसूल करीत आहे. तसेच  या वस्तीगृहा बाबत यापूर्वी वॉर्डातील अनेक लोकांनी तक्रार केल्याचे आरोप तक्रारीतून करण्यात आले आहे.  मुलांच्या वस्तीगृहा बाबत शिक्षकाला विचारणा केली असता "तुम्हाला जे करायचे ते करा मी वस्तीगृह बंद करणार नाही"  असे उद्धट उत्तर देत असल्याचे तक्रारीतून म्हटले आहे. वस्तीगृहाचा त्रास वॉर्डातील लोकांना होत आहे. 

वस्तीगृहातील मुले बिनकामाचे वॉर्डात फिरत असल्याने  वॉर्डातील लोकांना याचा त्रास वाढला आहे . तरी सदर वसतिगृह तात्काळ बंद करावे अशी तक्रार  ७ एप्रिलला मुकुटबन येथीलच सामाजिक कार्यकर्ते संतोष चिटलावार यांनी तहसीलदार गिरीश जोशी यांना दिलेल्या तक्रारीतून केली आहे. तसेच सदर तक्रार  जिल्हाधिकारी ,शिक्षणाधिकारी , समाजकल्याण अधिकारी  व खंड विकास अधिकारी याना सुध्दा पाठविण्यात आले.

माझ्याकडे कोणतेही वसतिगृह नाही: विद्यार्थ्यांच्या पालकांनी घर भाड्याने घेतले असुन त्या भाड्याच्या घरात विद्यार्थी राहत आहे. विद्यार्थाना खेड्यातून ये - जा  करण्याकरिता त्रास होत असल्याने घर भाड्याने घेऊन राहत आहे. माझ्या विरुद्ध दिलेली तक्रार ही खोटी आहे.- नीनान चेरियन