दिशादर्शक फलकास धडकून दुचाकीस्वार गंभीर जखमी || मांगरूळ येथील घटना.

मारेगावः  यवतमाळ येथून वणी कडे जात असताना मांगरूळ जवळील दिशादर्शक फलकास जोरदार धडक बसून मोटारसायकलस्वार गंभीर जखमी झाल्याची घटना आज दि.1 एप्रिल रोज शुक्रवार रोजी   सकाळी दहा वाजताच्या  सुमारास घडली. यवतमाळ येथील तरूण  सय्यद इप्तेकार सय्यद अकील ( 27 वर्षे)   यवतमाळ वणी मार्गावरून  जात असताना  वेगाव फाट्या नजिक दिशादर्शक फलकास जोरदार धडक दिल्यामुळे दिशादर्शक फलक कोसळून पडला.

त्या जोरदार धडकेमुळे तरुणाच्या डोक्याला जबरदस्त मार बसून गंभीर जखम झाली. जखमेतून मोठ्याप्रमाणात रक्तस्त्राव झाल्यामुळे बेशुध्द अवस्थेतच त्याला मारेगाव ग्रामीण रूग्णालयात दाखल करुन त्यांच्यावर  प्राथमिक उपचार केला असून पुडील उपचारांसाठी  यवतमाळ येथे पाठविण्याची तयारी सुरू होती.  या घटनेचा पुढील तपास मारेगाव पोलीस करत आहे.