अल्पवयीन मुलीचा विनयभंग; आरोपी विरुद्ध गुन्हा दाखल.

मारेगावः एका 15 वर्षीय अल्पवयीन मुलीचा विनयभंग केल्याची घटना 27 मार्च रोजी दुपारी 2:30 वाजता मारेगाव तालुक्यातील पांढरकवडा (पिसगाव) येथे घडली असून याप्रकरणी पीडित मुलीच्या आईने आज दि. 30 मार्च रोज बुधवारी  मारेगाव पोलीस स्टेशन गाठुन आरोपी विरुद्ध तक्रार दिली त्या तक्रारी नुसार पोलिसांनी विनयभंग, पास्को नुसार गुन्हा दाखल केला आहे. 
 

याबाबत पोलिस सूत्रांकडून मिळालेल्या माहितीनुसार मारेगाव तालुक्यातील पांढरकवडा (पिसगाव) येथे एक 15 वर्षीय अल्पवयीन मुलगी आरोपीच्या चुलत बहिणीच्या घरी पाणी पित असताना  अक्षय रवींद्र गोलर (वय 24) याने मुलीच्या छातीवर  हात ठेवून  वाईट उद्देशाने विनयभंग केला व पिडीत मुलीला आरोपीने तु जर कुणाला सांगितले तर  तुला सोडणार नाही अशी धमकी दिली असल्याने पिडीत मुलगी आरोपीच्या चुलत बहिणीच्या घरातून बाहेर पडत सर्व हकीकत आईला सांगितली पोलिसांनी याप्रकरणी 354 भादवि, पास्को 8, नुसार गुन्हा दाखल करून याघटनेचा पुढील तपास मारेगाव पोलीस  करीत आहे.