मारेगाव तालुक्यात आत्महत्या च्या एकाच दिवशी दोन वेगवेगळ्या घटना...

शेतकऱ्याची गळफास घेऊन आत्महत्या; नापिकी, अतिवृष्टीचा फटका ।। मुकटा येथील 70 वर्षीय इसमाने विषारी औषध प्राशन करून , आत्महत्येचा प्रयत्न

मारेगाव -तालुक्यात आत्महत्येचे सत्र सुरू असतानाच तालुक्याला आणखी  हादरून टाकणाऱ्या आत्महत्येच्या दोन घटना एकाच दिवशी वेगवेगळ्या ठिकाणी घडल्याने तालुक्यात खळबळ उडाली आहे.

प्राप्त माहितीच्या आधारे मौजा मुकटा येथील श्री.वामन श्रावण इनामे वय अंदाजे वय 70 वर्ष  या व्यक्तीने विषारी औषध प्राशन केले असल्याचे त्याच्या मुलाच्या फोन वरून माहिती प्राप्त झाली असून त्या व्यक्तीला उपचारासाठी वरोरा येथील रुग्णालयात दाखल करण्यात आल्या असल्याची ही माहिती प्रसार माध्यमांना मिळाली आहे.

तसेच तालुक्यातीलच खैरगाव (भेदी) येथे एका शेतकऱ्याने नापिकीला व खासगी कर्जाला कंटाळून स्वतःच्या शेतामध्ये झाडाला गळफास घेऊन आत्महत्या केल्याची दुर्दैवी घटना आज रविवारी (ता.27) घडली आहे. आत्महत्या केल्याने परिसरात खळबळ उडाली आहे. याबाबत अधिक माहिती अशी, की तालुक्यातील खैरगाव (भेदी) येथील शेतकरी  गोविंदराव पैकु आत्राम (वय 55) यांनी गावा लगत असलेल्या स्वतः च्या  शेतात गळफास लावून आत्महत्या केली आहे. परंतु शेता मध्ये या वर्षी झालेल्या अतिवृष्टीमध्ये मोठे नुकसान होऊन आता खासगी काढलेल्या कर्ज कसे फेडावे या विवेचनात त्यांनी रविवारी सकाळी शेतातील  एका झाडाला गळफास घेऊन आत्महत्या केली आहे.

नापिकी व अतिवृष्टीचा फटका बसल्याने ते काही दिवसांपासून मानसिक तणावात होते. त्यातच त्यांनी गळफास घेऊन आत्महत्या केल्याचे गावात चर्चा आहे. त्यांच्या पश्चात पत्नी, दोन विवाहित मुली असा आप्ते परिवार पाठिमागे आहे. याघटनेची माहिती मारेगाव पोलिसांना  सरपंच तुळशीराम कुमरे यांनी दिली आहे