खा.धानोरकर यांच्या प्रयत्नामूळे प्रभाग क्र.11 मधील नाली व रस्त्यासाठी अखेर निधी मंजूर.

नागेश रायपुरे यांच्या पाठपुराव्याला यश

खासदार बाळूभाऊ धानोरकर यांच्या प्रयत्नामुळे जिल्हा वार्षिक योजना नगरोत्थान अंतर्गत शहरातील प्रभाग क्र.11 मधील रस्ता व नालीचा बांधकामास निधी मंजूर झाला.येथील रस्ता व नालीच्या मागणीसाठी काँग्रेसचे जिल्हा सरचिटणीस रमण डोये यांचे माध्यमातून खासदार धानोरकर यांचे कडे युवा सामाजिक कार्यकर्ता नागेश रायपुरे यांनी मागणी केली असता,अखेर यांच्या पाठपुराव्याला यश मिळाले आहे.

शहरातील प्रभाग क्र.11 मधील शेख नब्बू कुरेशी ते रेनुदास काळे यांचे घरापर्यंत जाणाऱ्या मुख्य रस्त्याची व नालीची गेल्या अनेक वर्षांपासून दुरवस्था निर्माण झाली होती.याची दखल प्रभागातील युवा सामाजिक कार्यकर्ता नागेश रायपुरे यांनी घेतली व काँग्रेसचे जिल्हा सरचिटणीस रमण डोये यांच्या माध्यमातून खासदर बाळूभाऊ धानोरकर यांचे कडे  मागणी केली होती.

खासदार धानोरकर यांनी मागणीची दखल घेत वरिष्ठांकडे पत्रव्यवहार केला असता.खा.धानोरकर यांच्या  प्रयत्नामुळे जिल्हा वार्षिक योजना 2021-2022, नगरोत्थान अंतर्गत प्रभाग क्र 11 मधील कुरेशी ते काळे यांचे घरापर्यंत रस्ता व नालीचे बांधकामास अखेर 31,25,708/- रुपयांचा निधी मंजूर झाला आहे.व लवकरच या रस्ता नालीच्या बांधकामास सुरवात होणार असल्याने प्रभागातील नागरिकात आनंदाचे वातावरण पसरले आहे.