गरजूंची ४५ वेळा रक्तवाहिनी बनलेत विनोद अक्कलवार.

राळेगाव तालुका प्रतिनिधी:  महसूल विभागात काम करतांना आपल्या सामाजिक उपक्रमामुळे सदैव चर्चेत असनारे राळेगाव तहसील अंतर्गत काम करनारे गुजरी येथिल तलाठी विनोद अक्कलवार यांनी आतापर्यंत ४५ वेळा रक्तदान करून गरजूंना मदत करून त्यांचे आयुष्याची रक्तवाहिनी बनण्याचे महत्वाचे कार्य करीत आहेत.

तलाठी म्हणून काम करतांना विनोद अक्कलवार हे सामाजिक बांधिलकी जोपासण्याच्या उद्देशाने रक्तवाहिनी मित्र परीवारच्या माध्यमातून विविध ठिकाणी रक्ता्दान शिबीरांत रक्तदान करतात तसेच सामाजिक दायित्वाच्या जाणिवेतून रक्तदान शिबीराचे आयोजन देखिल करतात. 

यवतमाळ जिल्ह्यात रुग्णांची संख्या जास्त असल्याने त्यासाठी लागनारा रक्तपुरवठा हा देखिल जास्त असल्याने विनोद अक्कलवार हे रक्तवाहिनी मित्र परीवारच्या माध्यमातून वेळोवेळी आवश्यकतेनुसार रक्तदान करतात अश्यातच रविवार दि. २० मार्च २०२२ रोजी विदर्भ पटवारी संघ यवतमाळ द्वारा सोणू मंगलम घाटंजी येथे आयोजित रक्तदान शिबीरात विनोद अक्कलवार यांनी ४५ वे रक्तदान करून एक आदर्श निर्माण केला आहे यावेळी  वैद्यकीय महाविद्यालय यवतमाळ रक्तपेढी विभाग उपस्थित होते. वाढता उन्हाळा बघता रक्तदात्यांनी स्वत: रक्तदान करण्याचे आव्हान रक्तवाहिनी मित्र परीवारचे पवन बोंडे पाटील यांचेकडून करण्यात आले. यावेळी विदर्भ पटवारी संघाचे बाळकृष्ण गाढवे,संजय अनव्हाने,निमकंडे,सुर्वे,कामराज चौधरी,संजय मारकड, रूपेश थोटगे,गजानन सुरोशे,राजू मानकर,चेतन ठाकरे, नविन खोब्रागडे व तलाठी उपस्थित होते.