१३ वर्षीय अल्पवयीन मुलीचा विनयभंग करणारा आरोपी गजाआड.

झरी: तालूक्यातील मुकूटबन पोलीस स्टेशन अंतर्गत येत असलेल्या एका गावातील १४ वर्षीय अल्पवयीन मुलीचा बोर्डा येथील २४ वर्षीय अल्पवयीन मुलीचा विनयभंग केल्या प्रकरणी पीडित मुलीच्या तक्रारीवरून पोलीसानी विविध कलमांतर्गत गुन्हे दाखल केले आहे.

पीडित मुलगी ही घोंसा येथील शाळेत आठव्या वर्गात शिकत असून गेल्या ८ दिवसापूर्वी मी शाळेत जाण्याकरिता उशिर झाल्याने शाळेला लागून असलेल्या एक्वा फिल्टर पाण्याच्या दूकाना समोरून शाळेत जात असतांना मुलीला पाहून नेहमी पाठलाग करीत होता. एक दिवस पाणी फिल्टर दूकानासमोर थांबवून नाव काय व कोणत्या वर्गात शिकते असे विचारले असता मुलीने नाव व वर्ग सांगितले. आरोपी मुलगा एकनाथ बेसरकर वय २४ रा बोर्डा याने माझ्या सोबत रिलेशनशिप ठेव नाहीतर आत्महत्या करतो अशी धमकी दिली. व स्वतःचे नाव सांगितले व निघून गेला. ५ मार्चला मुलीची शाळा सकाळी असल्याने ७ वाजता शाळेत गेली. घरी परत येताना सदर मुलीच्या मागे वाईट उदेशाने पाठलाग करीत घरापर्यंत आला. व थांब म्हणून आवाज दिला. न थांबता घाबरून मुलगी घरी गेली व घडलेली हकीकत आपल्या आईला सांगितली. 

११ मार्च रोजी मुलगी सकाळी शाळेत परत आली व आपल्या आई वडील व कुटुंबियांसोबत असताना ३ वाजता दरम्यान आरोपी एकनाथ बेसरकर हा घरी येऊन माझी बायको कुठे आहे मी तिला भेटायला आलो असा बोलला. मुलीच्या आईने मुलीला बोलावून हाच मुलगा आहे का तुला त्रास देणारा असे विचारले असता मुलीने हो हाच तो मुलगा म्हणून सांगितले.  तेव्हा मुलीच्या आई व आजीने मुलाचे हात पकडून ठेवले व तंटामुक्त अध्यक्ष याना फोनवरून सदर घटना सांगितली. यावरून आरोपी मुलाने मुलीच्या आईला धमकी दिली. तंटामुक्त अध्यक्ष हे मुलीच्या घरी न येता पोलिसांना फोन द्वारे पाचारण करून बोलावले व आरोपी एकनाथ प्रभूदास बेसरकरला अटक करुन पोलीस स्टेशनला आणले. पीडित मुलींच्या तक्रारीवरून गुन्हा दाखल करण्यात आला आहे. पुढील तपास ठाणेदार अजित जाधव यांच्या मार्गदर्शनाखाली पोलीस उपनिरीक्षक अनिल सकवान करीत आहे.