करणवाडी फाट्याजवळ ऑटो चा अपघात, जखमी प्रवासी वणी सेवानगर येथील.

तेथिल डिव्हायडर ठरत आहे अपघाताचे कारण.

मारेगाव प्रतिनिधी : मारेगाव जवळील करणवाडी फाट्याजवळ अपघात झाल्याची घटना रात्रौ ७ वा. घडली असून काही प्रवाशी गंभीर जखमी झाले असून जीवित हानी कुणाची हि झाली नाही. 

सविस्तर वृत्त असे कि, वणी सेवानगर येथील नागरिक घरगुती स्वयंपाकासाठी पांढरदेवी येथे ऑटो (MH - २९ - m -५७९५) करून  गेले होते. परंतु परतीच्या वेळी हा अपघात झाला असून त्यांचा उपचार मारेगाव येथे रुग्णालय येथे सुरु आहे. यावेळी जखमी मध्ये वंदना गुडघाणे (वय 42 वर्ष) , नीता चांदेकर (३०), जागेश यादव (42), निशा राऊत (३०), आर्यन चांदेकर (५), गिरजाबाई भेदुरकर (60),जोशना डोंगरे(28), विकास भेडोळकर (35) हे असून या ऑटो मध्ये बालकाचा सुद्धा समावेश असून सगळे प्रवासी सेवानगर येथील आहे.  

तेथील गावकऱ्यासोबत  संपर्क केला असता तेथील डिव्हायडर हे अपघाताचे कारण ठरत असून तेथील हाय माक्स लाईट हि फक्त शोभेची वस्तू बनलेली असून याला तरी चालू करा किंवा डिव्हायडर काढून टाका अशी करणवाडी वाशी यांनी मागणी करत आंदोलनाचा इशारा दिला आहे. कारण या ठिकाणी अनेक अपघात होऊन जीवित हानी झाली असून शासन-प्रशासन यांनी लक्ष द्यावे  व  अपघात टाळावा अशी मागणी गावकऱ्यांनी मागणी  केली.