मारेगाव शहरात महिला दिनाचे औचित्य साधून मैत्री कट्टा ग्रुपच्या वतीने विविध कार्यक्रमांची सुरुवात.

तालुक्यातील महिलांनी घेतला मोठ्या प्रमाणात सहभाग.

मारेगाव : शहरातील  मैत्री कट्टा  ग्रुप च्या वतीने दि. 8 मार्च रोजी महिला जागतिक दिनाचे औचित्य साधून आज दिनांक 9 मार्च रोजी डॉ.बाबासाहेब आंबेडकरांना अभिवादन करून मारेगाव शहरांमध्ये भाव्य रॅली काढण्यात आली. या रॅलीमध्ये झाशीची राणी लक्ष्मीबाई यांच्या वेशभूषेत  सुवर्णाताई खामनकर, रमाबाई आंबेडकर यांच्या वेशभूषेत कालिंदी ताई रायपुरे, सावित्रीबाई फुलेयांच्या वेशभूषेत पुष्पाताई ताकसांडे, मा जिजाऊच्या वेशभूषेत दामिनी दांडेकर या होता. तर वैशालीताई साळवे यांनी लेझिम संच व आदिवासी नृत्य शकुंतला आत्राम यानी साकारण्यात मोलाचे कार्य केले. 

शहरामध्ये प्रथमच महिला जागतिक दिना निमित्त मोठ्या संख्येने महिलांची उपस्थिती होती या रॅलीमध्ये असंख्य महिला वेगवेगळ्या वेशभूषेत शहरातून पटनाट्य लेझीम बुलेट दुचाकी रॅली सामोरं दोन मुली मिल्ट्री ड्रेस परिधान करून त्याच्या मागे घोड्यावर स्वार झाशीची राणी लक्ष्मीबाई यांच्या वेशभूषा साकारण्यात आली.या मध्ये महिलांच्या सुप्त गुणांना वाव मिळावा त्यांना  व्यासपीठ निर्माण व्हावे म्हणून  या कार्यक्रमाची सुरुवात करण्यात आली असून  या अनुषंगाने 30 वर्षा वरील स्त्रियांना या स्पर्धेमध्ये सहभाग नोंदवता येईल, या महिलांच्या कलागुणांना वाव मिळावा या मागचा उद्देश ठेवून  जागतिक महिला दिनाचे औचित्य साधून शेतकरी सुविधा भवन  येथे आज सायंकाळी आठ  वाजता शेतकरी सुविधा भवन येथे  सांस्कृतिक कार्यक्रम(स्पर्धा) आयोजित केलेले आहे. तरी या कार्यक्रमात महिलांसाठी एकल डान्स, ग्रुप डान्स, वेशभूषा, पटनाट्य असे अनेक उपक्रम घेण्यात येत असून या नुत्य स्पर्धेत महिलांसाठी बक्षिसाची संधी आहे.

तसेच, 10 मार्च रोजी उत्कृष्ट कामगिरी करणाऱ्या महिलांचा सत्कार व सांस्कृतिक कार्यक्रमांमध्ये स्पर्धेत क्रमांक प्राप्त महिलांचा बक्षिस वितरण व सत्कार सोहळा पार पडणार आहे तरी तालुक्यातील जास्तीत जास्त महिलांनी या कार्यक्रमात सहभाग नोंदवावा. या आयोजना ला यशस्वी करण्याकरीता बिना दुपारे, प्रतिभा डाखरे , वणमाला बोडे, दीपक जुनेजा ,उदय रायपूरे, बदरुद्दीन काझी अथक प्रयत्न करीत आहेत.