नवरगाव (धरण) यात्रा उत्सवाला आजपासून प्रारंभ || श्री कृष्ण तुळशी वृंदावन देवस्थान.

मारेगाव: येथून जवळच असलेल्या नवरगाव (धरण) येथे तुळशीमाता मंदिर असून दरवर्षी महाशिवरात्रीनंतर सात दिवसांनी यात्रा भरते. या वर्षीही येथे सात मार्च पासुन यात्रा उत्सवाला प्रारंभ झाला आहे.

मारेगाव तालुक्यातील नवरगावच्या एका टोकाला नृसिंह मंदिर (हेमाडपंथी) असून बर्‍याच जुन्या दगडी मूर्ती आहेत. गावाच्या मध्यभागी शिवालय असून गावापासून जवळच तुळशी वृंदावन देवस्थान आहे. या देवस्थानाचा उदय 1949 मध्ये महाशिवरात्रीपासून झाल्याचे सांगितले जात असून ही मारेगाव तालुक्यातील तपोभूमी असल्याचे मानले जाते.

देवस्थान परिसरात तीर्थक्षेत्र विकास निधीमधून पिण्याच्या पाण्याची व्यवस्था, भव्य सभागृह, बगीचा कुंपण, पूर्ण परिसर विद्युतीकरण, प्रशस्त निवास, परिसराला संरक्षण भिंत इत्यादी विकासकामे झाली असून दहीहांडी माळा, पाकगृह व कार्यालय, विश्रामगृह बांधकाम प्रस्तावित आहे.

या ठिकाणी दरवर्षीप्रमाणे यात्रा महोत्सवाचे एक मार्च ते दहा मार्च पर्यंत आयोजन करण्यात आले आहे. एक मार्च रोजी घटस्थापना, सात मार्च रोजी दुपारी एक वाजता गोपालकाला तथा दहा मार्च रोजी पाखडपूजा व घटविसर्जन करण्यात येणार असल्याची माहिती देवस्थानचे अध्यक्ष रमेश गाऊत्रे, उपाध्यक्ष आनंद वाळके, सचिव विलास नक्षणे, विश्वस्त रमेश सोनुले, अरुण नक्षणे, अफजलखान पठाण, गणेश नैताम, नानाजी डाखरे, अरुण बोधाने, संजय मून यांनी दिली