विवाहित इसमाची विष पिऊन आत्महत्या ⁠⁠⁠ || मारेगाव तालुक्यातील नेत (वरूड) येथील घटना.

मारेगाव तालुक्यातील नेत(वरूड) येथील एका 45 वर्षीय विवाहित इसमाने आत्महत्या केल्याची दुर्दैवी घटना आज दि. 3 मार्च रोज गुरुवारी दुपारी दोन वाजताच्या सुमारास मारेगाव तालुक्यातील नेत (वरूड)या ठिकाणी ही घटना घडली आहे. या उत्तम देविदास पंधरे असे विष पिऊन आत्महत्या केलेल्या इसमाचे नाव असून, उत्तम हे पांढरकवडा येथे आपल्या कुटुंबा सोबत काम करण्यासाठी एक वर्षांपासून पांढरकवडा येथे गेला होता. उत्तम पंधरे हे दोन दिवसापूर्वी नेत येथे आला होता.

उत्तम पंधरे यांनी नेमक्या कोणत्या कारणातून आत्महत्या केली, याची कोणतीही माहिती अद्याप समोर आली नाही. पण 45 वर्षीय विवाहित इसमाने अचानक आत्महत्या केल्याने परिसरात एकच खळबळ उडाली असून गावात अनेकांनी हळहळ व्यक्त केली आहे. या घटनेची माहिती मारेगाव पोलिसांना देण्यात आली असुन. पोलिसांना माहिती मिळताच घटनास्थळी दाखल होवून पोलिसांनी या घटनेचा पंचनामा करून आकस्मिक मृत्यूची नोंद केली असुन मृतदेह उत्तरीय तपासणीसाठी मारेगाव ग्रामीण रुग्णालयात पाठविण्यात आले आहे. या घटनेचा पुढील तपास मारेगाव पोलीस करत आहे.