महिला दिनाचे औचित्य साधून मैत्री कट्टा ग्रुप मारेगाव च्या वतीने विविध कार्यक्रमांचे आयोजन.

तालुक्यातील जास्तीत जास्त महिलांनी सहभाग नोंदवावा

मारेगाव  : महिलांच्या सुप्त गुणांना वाव मिळावा त्यांना एक व्यासपीठ मिळाव, या अनुषंगाने आठ मार्च महिला जागतिक दिनाचे औचित्य साधून मारेगाव येथे मैत्री कट्टा ग्रुप च्या वतीने महिलांसाठी एक व्यासपीठ निर्माण करण्याचे कार्य या ग्रुप तर्फे करण्यात येत आहे. या अनुषंगाने 30 वर्षा वरील स्त्रियांना या स्पर्धेमध्ये सहभाग नोंदवता येईल, या महिलांच्या कलागुणांना वाव मीळावा या माध्यमातून जागतिक महिला दिनाचे औचित्य साधून शेतकरी सुविधा भवन मारेगाव येथे 9 मार्च रोजी सायंकाळी सहा वाजता सांस्कृतिक कार्यक्रमाचे आयोजन केलेले आहे.

दि.9 मार्च सकाळी आठ वाजता महिलांची वेशभूषा, पटनाट्य, लेझीम द्वारे शहरात बाबासाहेब आंबेडकर चौकातून रॅली निघेल व शहरात भ्रमण करून सायंकाळी पाच वाजता शेतकरी सुविधा भवन येथे  सांस्कृतिक कार्यक्रम(स्पर्धा) आयोजित केलेले आहे. तरी या कार्यक्रमात महिलांसाठी एकल डान्स, ग्रुप डान्स, वेशभूषा, पटनाट्य असे अनेक उपक्रम घेण्यात येत असून या नुत्य स्पर्धेत महिलांसाठी बक्षिसाची संधी आहे.

तसेच, 10 मार्च रोजी उत्कृष्ट कामगिरी करणाऱ्या महिलांचा सत्कार व सांस्कृतिक कार्यक्रमांमध्ये स्पर्धेत क्रमांक प्राप्त महिलांचा बक्षिस वितरण व सत्कार सोहळा पार पडणार आहे तरी तालुक्यातील जास्तीत जास्त महिलांनी या कार्यक्रमात सहभाग नोंदवावा. या आयोजना ला यशस्वी करण्याकरीता बिना दुपारे, प्रतिभा डाखरे , वणमाला बोडे, दीपक जुनेजा ,उदय रायपूरे, बदरुद्दीन काझी अथक प्रयत्न करीत आहेत.