आशिष साबरे यांची भारतीय पिछडा (ओबीसी) शोषित संघटन, नई दिल्ली व ओबीसी जनमोर्चा च्या झरी जामनी तालुकाध्यक्ष पदी तर संजय चामाटे यांची सचिव पदी निवड

भारतीय पिछडा (ओबीसी) शोषित संघटन, नई दिल्ली व ओबीसी जनमोर्चा च्या पदाधिकारी यांची झरी येथे पार पडली सभा

आशिष साबरे (यवतमाळ जिल्हा प्रतिनिधी):  तालुक्यातील सर्व ओ.बी.सी. (व्ही .जे./ एन.टी. एस बी सी)बांधवांची आढावा बैठक आज झरी जामनी येथील रेस्ट हाऊस वर आयोजीत करण्यात आली होती. या बैठकीला प्रमुख मार्गदर्शक -डॉ. ज्ञानेश्वर गोरे(प्रदेश अध्यक्ष भा. पी. ओबीसी शो. संघटन तथा ओ.बी.सी मोर्चा तथा राज्य उपाध्यक्ष मा  विलास काळे (केंद्रीय प्रतीनीधी भा.पी. ओ.बी.सी. शो. संघटन तथा महाराष्ट्र राज्य उपाध्यक्ष ओ.बी.सी,जन मोर्चा .) भानुदास केळझरकर,( राज्य कोषाध्यक्ष बी .पी.एस. एस.) ज्ञानेश्वर रायमल,अशोक मोहुरले हे पदाधिकारी उपस्थित होते. या बैठकी मध्ये आशिष साबरे यांची भारतीय पिछडा (ओबीसी) शोषित संघटन, नई दिल्ली व ओबीसी जनमोर्चा च्या झरी जामनी तालुकाध्यक्ष पदी तर संजय चामाटे यांची सचिव पदी निवड करण्यात येऊन नियुक्ती प्रमाणपत्र मा डॉ ज्ञानेश्वर गोरे प्रदेशाध्यक्ष यांच्या हस्ते देण्यात आले. 

सदस्य म्हणून प्रविण बेरेवार सर, राजेश कर्णेवार, हनुमान गौउत्रे, राजू गुरनुले, रुपेश गुरनुले, मिलिंद गुरनुले इत्यादि ची निवड करण्यात आली. या वैचारिक सभेत ओबीसी सी संबंधित मुद्द्यांवर सखोल चर्चा व मार्गदर्शन करण्यात आले. यात नगर परिषद जिल्हा परिषद मधील ओबीसींचे संपलेले आरक्षण .ओ .बी.सी च्या विद्यार्थ्यांना महा ज्योती या संस्थेत अर्ज करण्यास संबंधात चर्चा करण्यात आली.

केंद्र सरकारने ओ.बी.सी. यांची जनगणना थांबवली आहे. ती जात निहाय  जनगणना स्वतंत्र कॉलम मध्ये झाली पाहिजे यावर विस्तृत चर्चा झाली. तसेच राज्य आणि केंद्र सरकार तर्फे ओ.बी.सी. विद्यार्थ्यांना देण्यात येणाऱ्या शिष्यवृत्ती मध्ये वाढ करावी.यवतमाळ जिल्ह्यामध्ये सिक्युरिटी च्या नावाखाली फसवणूक झालेल्या सर्व  ओबीसी भावांची मदत करणे व न्यायालयीन लढाई व आंदोलनात्मक भूमिका घेण्यासाठी चर्चा करण्यात आली.

झरी जामनी तालुक्यातील ओबीसी बांधवाना आपल्या हक्काची आणि कर्तव्याची जाण करून घेण्यासाठी चळवळ भक्कम करावी असे प्रतिपादन मा ज्ञानेश्वर गोरे सर यांनी केले.