मुकटा येथील रहिवाशी रस्त्या पासून दुर्लक्षित.

गावकऱ्यांना दवाखान्यात नेतांना मोठी कसरत करावी लागते,,

वणी:- मारेगाव तालुक्यातील शेवटच्या टोकाला असलेल्या मुकटा (हिवरा) या गावात १५ वर्षांपासून रस्ता नसल्याने गावकऱ्यांना या रस्त्याचे जाणे जीकरीचे झाले आहे. पावसाळ्यात तर मुकटा येथील रहिवासी व विद्यार्थ्यी गावाबाहेर जाऊ शकत नाही. त्या काळात जर एखादा व्यक्ती आजारी पडला तर त्याला दवाखान्यात नेतांना मोठी कसरत करावी लागते.

मुकटा येथील विद्यार्थीना हिवरा (मजरा) येथे शिक्षण घेण्याकरिता पायदळ यावे लागत आहे.त्या रस्त्याने साधी सायकल चालवणे कठीण झाले आहे. पावसाळ्यात गावकऱ्यांनी लोक वर्गणीतून ५० टॅक्टर मुरूम टाकून कशीबशी व्यवस्ता केली आहे.परंतु प्रशासनाने तसेच लोकप्रतिनिधी यांनी या रस्त्यासंदर्भा कोणतीही कार्यवाही केली नाही.

गावकऱ्यांनी वारंवार पत्रव्यवहार करून पाठपुरावा केला.तरी मुकटा येथील रहिवासी रस्त्यापासून दुर्लक्षित आहे. गावकऱ्यांनी स्व:ताच्या वापरासाठी रोडवर मुरूम टाकून रस्ता दुरुस्त केला.हे गाव वर्धा नदीच्या काठावर वसलेले आहे.त्यामुळे या गावातून दिवस, रात्री रेतीचे अवजड टॅक्टर,ट्रक या रस्त्यावरून जात असल्याने तो रस्ता पुर्णतहा खड्डेमय झाला आहे.

या रस्त्यावरून रेतीची वाहतूक बंद करून हिवरा ते मुकटा हा रस्ता लवकरात लवकर दुरुस्त करून द्यावा अशी मूकटा येथील नागरिकांची मागणी होत आहे.