श्री संत गजानन महाराज प्रगट दिन महोत्सव उत्साहात साजरा!

श्री संत गजानन महाराज मंदिर गणेश नगर, वडगांव रोड,यवतमाळ येथे संपन्न झाला महोत्सव, भारतरत्न लता मंगेशकर यांना वाहिली श्रद्धांजली

आशिष साबरे(यवतमाळ जिल्हा प्रतिनिधी)
यवतमाळ:स्थानिक दैनिक व्यवहार व स्वच्छतेसाठी प्रसिद्ध असलेले श्री संत गजानन महाराज मंदिर, गणेश नगर, वडगाव रोड, यवतमाळ येथे दिनांक १७/0२/२०२२ ते दि.२३/०२/२०२२ पर्यंत प्रगट दिन महोत्सवा मध्ये काकड आरती, ज्ञानेश्वरी पारायण, वैदिक गायत्री यज्ञ, भजन, विठ्ठलनाम जप, भक्ती संगीत, सुंदरकांड व पंचकुंडी यज्ञ या कार्यक्रमाचे आयोजन करण्यात आले होते. दि.१७/०२/२०२२ ला सायंकाळी वैदिक गायत्री दिप यज्ञा दरम्यान यवतमाळ येथे प्रसिद्ध चित्रकार अरुणभाऊ लोनारकर यांनी रांगोळीतून स्व.लतादीदींची प्रतिमा कादन मंदिर समिती तर्फे श्रद्धांजली वाहिली.दि.२३/०२/२०२२ ला सकाळी ०९.०० वा.श्री च्या पालखीची मिरवणूक काढण्यात आली. दुपारी ११ ते १२ ह.भ.प.श्री.निलेश महाराज गावंडे यांनी काल्याचे किर्तन केले. दुपारी १२ नंतर काला व प्रसाद वाटप करण्यात आले. सर्वांनी कोरोनाचे पालन करुन कार्यक्रमास सहकार्य केले, असे मंदिर समितीने कळविले आहे.