मारेगाव तालुक्यातील सिंधी (महागाव) येथिल विवाहित तरुणाची आत्महत्या.

मारेगाव तालुक्यातील आत्महत्येचे सत्र कसे थांबेल ।। आज तालुक्यातील जनतेला विवेचन करण्याची गरज.

मारेगाव (प्रतिनिधी): मारेगाव तालुक्यात वर्षभरात आत्महत्येचे सत्र सुरू असताना आज सिंधी येथील एका 30 वर्षीय विवाहित तरुणाने गळफास घेउन आत्महत्या केल्याची दुर्दैवी घटना घडली. हे सत्र कधी थांबेल याचे विवेचन करण्याची गरज तालुक्याला आहे असे तालुक्यात चर्चा वर्तवली जात आहे. मारेगाव तालुक्यातील सिंधी (महागाव) येथे एका 30 वर्षीय विवाहित तरुणाने गळफास घेऊन आत्महत्या केली.

आज संध्याकाळी 07.30 वाजताच्या सुमारास ही घटना उघडकीस आली. वैभव मारोती वैद्य (वय 30) असे मृतकाचे नाव आहे. गेल्या वर्षीच त्याचे लग्न झाले होते. वैभव ची पत्नी गर्भवती होती. ती डिलिव्हरीसाठी माहेरी गेली होती.

आज दिनांक 24 फेब्रुवारी रोज गुरुवारी रोजी सकाळी मयत वैभव हा शेतात कामाला गेला होता. त्यानंतर संध्याकाळच्या सुमारास तो घरी परत आला होता. घरी कुणीच नसल्याची संधी साधून त्याने घराच्या सिलिंग फॅनला ओढणीच्या साहाय्याने गळफास घेतला. 07.30 वाजताच्या सुमारास ही घटना वैभवच्या कुटुंबीयांच्या लक्षात आली. पोलीस पाटील संतोषराव निब्रड यांनी घटनेची माहिती पोलिसांना दिली. या घटनेची माहिती मिळताच पोलीस घटनास्थळी पोहोचले. वैभवकडे 3 एकर शेती आहे. त्याच्या पश्चात आई ,वडील आणि पत्नी असा परिवार आहे. वैभवने आत्महत्या का केली सध्या तरी कारण समजू शकले नाही.

एक वर्षापूर्वी वैभवचे वेगाव येथील मुलीसोबत लग्न झाले होते. घटनेचा तपास ठाणेदार राजेश पुरी यांच्या मार्गदर्शनात मारेगाव पोलीस करीत आहे. कुटुंबात काही दिवसांनी बाळ येण्याच्या आधीच वैभवने असे टोकाचे पाऊल उचलल्याने गावात हळहळ व्यक्त होत आहे.