उमरी येथे छत्रपती शिवाजी महाराज जयंती साजरी...

आशा वर्कर सहित इतर मान्यवरांचा करण्यात आला सत्कार

प्रवीण उद्धवराव गायकवाड( राळेगाव तालुका प्रतिनिधी ): कळंब  तालुक्यातील इंदिरा चौक उमरी येथे छत्रपती शिवाजी महाराज जयंती मोठ्या उत्साहात साजरी करण्यात आली. या कार्यक्रमाला प्रमुख वक्ते म्हणून लाभलेले,सूर्योदय कोचिंग क्लासेस राळेगाव चे संस्थापक प्रा.निखील राऊत सर यांनी छत्रपती शिवाजी महाराज यांच्या जीवनचरीत्र्यावर प्रकाश टाकला तर कार्यक्रमाचे अध्यक्ष जिल्हा शारीरिक प्रमुख श्री महेशजी धनरे,प्रमुख पाहुणे भाजपा कळंब तालुका अध्यक्ष कैलासजी बोंद्रे,शहर प्रमुख संदीप वैद्य,कळंब तालुका सरचिटणीस सुरेशजी होरे,तालुका कार्यवाह शंतनुजी लखपती,अनुसूचित जाती तालुका अध्यक्ष सतीश मरापे,अनुसूचित जमाती तालुका अध्यक्ष तुषार शेंडे,मच्छीभाव सेल प्रमुख कळंब तालुका पप्पुजी मोहिते तसेच गावातील सरपंच सौ.अर्चनाताई एकोणकर उपसरपंच किशोर रोकडे,ग्रामपंचायत सदस्य आशिष भोयर, जयश्रीताई मडावी,विद्याताई वनारसे,लताताई बावणे,यांची उपस्थिती लाभली होती.

या कार्यक्रमामध्ये छत्रपती शिवाजी महाराजांच्या जीवनचरित्र्यावर आधारित स्पर्धा परीक्षेचे आयोजन गट असे व गट ब अशा दोन गटात करण्यात आले होते.
अ गटामध्ये प्रथम क्रमांकाचे पारितोषिक कु. प्राची चंद्रशेखर गवारकर,द्वितीय क्रमांकाचे पारितोषिक जान्हवी वामनराव वाईकर,तृतीय क्रमांकाचे पारितोषिक चैताली चंद्रशेखर गवारकर व ब गटामध्ये प्रथम क्रमांकाचे पारितोषिक कु. आचल ज्ञानेश्वर चौधरी,द्वितीय क्रमांकाचे पारितोषिक कु.गौरी चंद्रशेखर कोहपरे,तृतीय क्रमांकाचे पारितोषिक गौरव वामनराव वाईकर या विद्यार्थ्यांना सन्मानचिन्ह देऊन मान्यवरांच्या हस्ते गौरविण्यात आले.

तसेच कोरोणा काळात उत्कृष्ठ लसीकरण मोहीम राबवल्याबद्दल आशा वर्कर सौ.लताताई रामगडे यांना सन्मानचिन्ह व साडीचोळी देऊन मान्यवरांच्या हस्ते सत्कार करण्यात आला तसेच गावातील मटका पट्टी बंद केल्याबद्दल श्री.भाऊरावजी गवारकर यांचे ग्राम पंचायत उमरी येथील सर्व सदस्यांनी आभार मानून मान्यवरांच्या हस्ते शब्दसुमनांनी सन्मानचिन्ह देऊन सत्कार करण्यात आला.

तर छत्रपती शिवाजी महाराज उत्सव मंडळ उमरी यांनी या उत्सवास अथक परिश्रम घेतले कार्यक्रमाचे सूत्रसंचालन सूरज रोकडे व प्रास्ताविक राजेंद्रजी एकुणकर सर यांनी केले या कार्यक्रमामध्ये गावातील महिला मंडळ,सामाजिक मंडळ,युवा मंडळ यांची उपस्थिती होती व आभार प्रदर्शन प्रतिक गोहने यांनी केले.