मुकूटबन पोलिसांनी अडेगाव येथील दोन मटका चालकास केली अटक.

प्रतिनिधि: झरी तालुक्यातील मुकूटबन पोलिस स्टेशनचे ठाणेदार अजित जाधव रूजू झाल्या पासून एका मागून एक धाडसत्र सुरू असल्याने अवैध धंदे वाल्यांमध्ये भीतचे वातावरण निर्माण झाले आहे.  अडेगाव येथील अवैध मटका चालकास  छापा टाकून दोघांना केली अटक.  १८ फेब्रुवारी रोज ठाणेदार अजित जाधव यांच्यासह पोलीस कर्मचारी पेट्रोलिंग करीत असताना ठाणेदार जाधव यांना फोन वरून गोपनीय माहिती दुपारी ३.४० वाजता दरम्यान मिळाली की अडेगाव येथील दशरथ झाडे यांच्या पानटपरीच्या बाजूला सार्वजनिक वरली मटका आकडे लिहलेल्या चिट्ठया देवुन त्याच्याकडुन पैसे घेवुन स्वताचे फायद्यासाठी वरली मटका हारजीतचा जुगार खेळ खेळवित आहे अशी माहिती मिळाली. मोबाईल वर माहिती मिळाल्यच्या आधारावर ठाणेदार अजित जाधव यांच्यासह पोलीस कर्मचारी प्रवीण तालकोकुलवार, दिलीप जाधव, संजय खांडेकर, संतोष मडावी यांनी ४.३५ वाजता दरम्यान अडेगाव येथील दशरथ झाडेच्या पानटपरी जवळ छापा मारला असता गजानन फकरू पिंगे वय ६० व प्रकाश वसंता पारखी वय २५ वर्ष यांना मटका पट्टी फाडत असतांना आढळले असता त्याच क्षणी पकडुन अटक केली. व त्यांच्याकडून वरली मटका आकडे लिहलेले पट्टी बुक, कार्बन तुकडा, व बॉलपेन व नगदी असा एकुन १२१० रू. चा मुद्देमाल जप्त केला. दोन्ही आरोपी विरुद्ध  गुन्हा दाखल करण्यात आला. सदर प्रकरणाचा तपास ठाणेदार अजित जाधव यांच्या मार्गदर्शनाखाली संतोध मडावी करीत आहे.