हिंगणघाट येथील प्राध्यापिका जळीतकांड प्रकरणातील नराधमाला जन्मठेप नव्हे,तर फाशीची शिक्षा द्या. क्रांतीताई राऊत (धोटे) यांची मागणी.!

भारतीय-वार्ता: प्रतिनिधी.यवतमाळ:--
वर्धा जिल्ह्यातील हिंगणघाट येथील प्राध्यापक जळीतकांड प्रकरणातील नराधमाला जन्मठेप नव्हेतर फाशीची शिक्षा व्हावी यासाठी त्यांनी जिल्हाध्यक्ष यवतमाळ यांना निवेदन देण्यात आले. संपूर्ण महाराष्ट्राला हादरवणाऱ्या हिंगणघाट येथील प्राध्यापिकेला ३ फेब्रुवारी २०१९ ला सायंकाळचे सुमारास एकतर्फी प्रेम प्रकरणातून नराधम विकेश नगराळे याने पेट्रोल टाकून जाळण्यात आले होते.७ दिवस मृत्येशी झुंज देत दुर्दैवाने १० फेब्रुवारी रोजी सकाळी मृत्यू झाला.सदर घटना घडल्या नंतर नराधमाला तात्काळ अटक सुध्दा करण्यात आली.

पण घडलेला प्रकार हा समाजाला हादरवून टाकणारा असून या मध्ये नराधमांनी केलेल्या कृत्यानुसार त्याला फाशीची शिक्षा व्हावी, हे पिडीतेच्या परिवाराला आणि महाराष्ट्रातील जनतेला अपेक्षित होते.सदर घटनेची पूर्तता आणि नराधमाला फाशीची शिक्षाच व्हावी, यासाठी सरकारी वकील उज्ज्वल निकम यांनी प्रयत्न केले.घडलेल्या दिवसा पासून प्रत्यक्षदर्शी साक्षीदार,प्यावे सादर करून सुध्दा फाशीची शिक्षा व्हावी, यासाठी मागणी केली असता हिंगणघाट येथील जिल्हा व अतिरिक्त सत्र न्यायाधीश आर.बि.भागवत यांनी हा प्रकार अपवादात्मक गुन्हा नसल्याचे सांगुन नराधमाला जन्मठेपेची शिक्षा सुनावली.

त्यांच्या या दिलेल्या निकालाच्या स्पष्टीकरणातुन अवघा महाराष्ट्र समाधानी नाही. तसेच पिडीतेला अर्धवट न्याय मिळाला.त्यामुळे या प्रकरणाचा मुद्दा उच्च न्यायालयात चालवावा अशी मागणी केली आहे.यावेळी क्रांती राऊत,लाला राऊत, ॲड.अमोल बोरखडे, योगेश धानोरकर, प्रशांत बोराडे,आशिष महल्ले, गणेश कोसरकर,वर्षा आखरे, मोहीम कटियार, मनोज तायडे ईत्यादी उपस्थित होते.