झरी तालुक्यातील गवारा येथील एका शेतकऱ्याने गळफास घेऊन आत्महत्या..

झरी तालुक्यातील गवारा येथील एका शेतकऱ्यांने कर्जाला कंटाळून झाडाच्या फांदीला गळफास लावून आत्महत्या केल्याची घटना १५ फेब्रुवारी ला दरम्यान सकाळी ११ वाजता उघडीस आली.

रमेश दत्तू राऊत वय अंदाजे ५८ वर्ष, गळफास लावून आत्महत्या केलेल्या गवारा येथील शेतकऱ्यांचे नाव आहे. रमेश याच्या कडे ५ एकर शेती असून गेल्या अनेक वर्षांपासून शेतीच्या भरवशावर आपल्या कुटुंबीयांचा उदरनिर्वाह करीत होता. दर वर्षी शेतीत होणारे नुकसान त्यात शेती करीता लागणार खर्च अधिक प्रमाणात होता . बॅंकेच्या कर्जाची चिंता सतावत होती. त्यातूनच रमेश याने त्याच्या शेता जवळ असलेल्या झाडाला दोर लावून गळफास घेतली.

गळफास घेतल्याची माहिती पसरताच गावकऱ्यांची गर्दी वाढली. घटनास्थळी पाटण पोलीस स्टेशनचे कर्मचारी पोहचले पंचनामा करून शव झरी येथे शविच्छेदन करीत पाठविण्यात आले. मृत पावलेल्या व्यक्तीच्या मागे पत्नी मुलगा असा परिवार आहे.