खातेरा पार्डि घाटावरील पुलाचे बांधकाम संथ गतीने.

झरी(तालुका प्रतिनिधि)   :- यवतमाळ व चंद्रपूर या दोन जिल्ह्यांना जोडनार्या पैनगंगा नदीवरील खातेरा पार्डि पुलाचे भूमिपूजन 6 ज्यूलै 2019 ला झाले. परंतु दोन वर्ष लोटूनही  पुलाचे काम अर्धवट पाहायला मिळत आहे. याचे कारण या पुलाचे काम संथगतीने सुरू असल्याचे निदर्शनास येत आहे. त्यामुळे पुला अभावी जीव धोक्यात टाकून नदी पार प्रवास करावे लागत आहे. लाकडी डोंग्यावरचा जीवघेणा प्रवास कधी संपनार असा प्रश्न अनेकांना पडला आहे. झरी तालुक्यातील अनेकांचे नातलग पैनगंगा नदी पलीकडे आहे. त्यामुळे ईकडून तिकडे व तिकडून इकडे येजा करण्यासाठी लांबचा प्रवास करावे लागत आहे. तर काही जन लाकडी डोंग्यावरचा जीवघेणा प्रवास  करीत नदी पार करीत आहे. पुलाचे बांधकाम चालू झाल्याचे पाहून झरी व कोरपना तालुक्यातील लोकांच्या आशा पल्लवित झाल्या. 

परंतू  बांधकाम संथ गतीने सुरू असल्यामुळे पुलाचे बांधकाम कधी पूर्ण होणार याची वाट पहावी लागत आहे. खातेरा पार्डि पुलाच्या कामाला तात्कालिन पालक मंत्री सूधीर मुनगंटीवार यांच्या अर्थसंकल्पीय निधी अंतर्गत 25 कोटी रुपयांचा निधी मंजूर झाला होता. पुलाचे भूमिपूजन करूण लगेच कामाला सुरुवातही केली.परंतू या पुलाच्या बांधकामासाठी महाविकास आघाडी सरकार कडून फक्त 8 कोटी रुपयांचा निधी मिळाला त्यामुळेच या पुलाचे काम संथगतीने सुरू असल्याचे दिसते. त्यामुळे नदीपार करण्यासाठी जीवघेणा प्रवास करत पुलाची वाट पहावी लागत आहे. 25 की.मी. लांबचा प्रवास व जीवघेणा प्रवास  यूद्धपातळीवर बांधकाम करूण मजबूत व सूंदर पुलाची निर्मिती व्हावी. अशी झरी तालुक्यातील व कोरपना तालुक्यातील जनतेची मागणी आहे. कारण या पुलामुळे 25 की.मी. लांबचा प्रवास, जीवघेणा प्रवास थांबेल, मानसिक त्रास वाचेल, आर्थिक बचत, दळणवळण, कृषी, पर्यटन, औद्योगिक विकासाला प्राधान्य मिळेल. कोरपना तालुक्यातील लोकांना कायर लिंगटी रेल्वे स्थानकावर पोहोचण्यासाठी सोपे होईल. झरी तालुक्यातील व कोरपना तालुक्यातील सिमेंट व कोळसा कंपन्यांमधील कामगारांना रहदारी सहज शक्य होईल. या सर्व समस्यांचा विचार करून पुलाचे काम युद्धपातळीवर सुरू करावे अशी झरी व कोरपना तालुक्यातील लोकांची मागणी आहे.