सौच्छालय योजनेचा बट्ट्याबोळ का ?

(तालुका प्रतिनिधी): झरी तालूक्यात शासनातर्फे ग्रामपंचायत मार्फत गाव खेड्या मधील आरोग्य स्वच्छ व चांगले राहावे यासाठी शासन अनेक योजना राबवून करोडो रुपये खर्च करत आहे. शासनाने निर्मल ग्राम योजना मार्फत हगनदारी मुक्त करण्याच्या उद्देशाने सौचालय योजना राबविली. यामध्ये ज्या कुटूंबांना सौचालय नाही अशा कुटूंबांना १२००० रूपये अनुदान देऊन सौचालय बांधायला लाऊन हगनदारी मुक्तीची मोहीम राबविण्यात आली. या मोहिमेत तालुक्यातील अनेक ग्रामपंचायती सहभागी झाल्या परंतु  शासनाचे करोडो रुपये खर्च होऊनही जाता येताना अनेकांच्या हातात  लिटरचा डब्बाच दिसते. 

ही वास्तविकता नाकारता येत नाही. यावरुन असेच स्पष्ट होते की कूठे तरी भ्रष्टाचार झाला. कोणत्याही योजनेत पारदर्शकता पाहिजे असल्यास स्थानिक पातळीवर तालुक्यातील सर्व ग्रामपंचायत सरपंच, सचिव याची  निस्वार्थ मोलाची भूमिका आवश्यक असते. शासनाच्या बर्याच योजना जन सामान्यांना लाभदायक ठरते. शासनाने अमलात आणलेल्या अनेक योजना पूर्ण अभ्यास करून त्यावर विचार विमर्श करूण आणल्या जातात. सोबतच नियोजनही असतात. परंतु सामान्य माणसापर्यंत नियोजन टीकत नाही. हे दुर्दैव म्हणावं लागेल.