झरी तालूक्याच्या ठिकाणी प्रवासी निवाऱ्याची गरज..!

(तालुका प्रतिनिधी):  झरी तालूका होऊन कीत्तेक वर्षे झाली, परंतु प्रवासी निवार्याची गरज असतांना पुढारी लक्ष घालायला तयार नाही. राजकारण मात्र जोमात समश्या जैसे थे त्यामुळे तालूका फक्त नावापूरताच की काय असे वाटत असेलच. बरेच विद्यार्थी, विद्यार्थ्यींनी, बाहेर गावचे प्रवासी रस्त्याच्या कडेला, पान टपरीवर, ईतर दुकानात आसरा घेत असल्याचे पहायला मिळते. पंचायत समिती मध्ये कामकाज साठी खेड्यापाड्यातून लोक येतात परंतु ऐन तालूक्याच्या ठिकाणी प्रवासी निवारा नाही. खास करून महीला असूरक्षीत आहे.  तालूक्याचे ठिकान असल्याने अनेक लोकांची वर्दळ असते. लोक प्रतिनिधींनी अशा समश्येचा जाणीव पूर्वक लक्ष घालून काम करायला हवे. त्याचबरोबर स्मशानभूमी सारखा विषय आहे.  अशा प्रकारचे गंभीर विषय लवकरात लवकर सोडवायला पाहिजे. प्रवास्यांमध्ये अशा चर्चा होताना पहायला मिळत आहे.